पुण्यातल्या रस्त्यावर भटक्या कुत्र्यांची ही दहशत दिवसेंदिवस वाढत चाललीय..कारण पुणे शहरात भटक्या कुत्र्यांची संख्या तब्बल अडीच लाखांच्यावर गेलीय. दिवसाला कुत्र्यांच्या चावा घेण्याच्या 80 ते 90 घटनांची नोंद होतेय.. यावर नियंत्रण आणण्यासाठी नसबंदीची मोहीम राबवली जाते. मात्र आता कुत्र्यांची वाढती संख्या रोखणं शक्य नसल्यानं पुणे महापालिकेच्या पशुवैद्यकीय विभागानं कुत्र्यांमध्ये मायक्रोचिप बसवण्याचा निर्णय घेतलाय. नेमका याची अंमलबजावणी कशी होणार

या मायक्रो चिप कुत्र्यांच्या खांद्याच्या भागात इंजेक्शनद्वारे टोचल्या जाणार आहेत. या चिपमध्ये आरएफआयडी तंत्रज्ञानाचा वापर करण्यात आला असून त्या चीपचा १५ अंकी क्रमांक ही त्या कुत्र्याची ओळख असेल. सुरुवातीच्या टप्प्यात सहाशे कुत्र्यांना मायक्रोचिप लावण्यात येणार आहे.

कुत्र्यांच्या या विशिष्ट क्रमांकामुळे नसबंदी, लसीकरणाची अद्ययावत माहिती ऑनलाइन उपलब्ध होईल. तसचं ही मायक्रोचिप एकदा बसवावी लागेल...ही चीप बसवण्याचा खर्च प्रत्येकी हजार रूपयांपर्यंत येणार आहे. मात्र या मायक्रोचीपचा खरंच फायदा होणार का..यामुळे कुत्र्यांची वाढती संख्या नियंत्रणात येणार का? हे येणाऱ्या काळातच कळेल.