Pune By-Election Saam Tv
मुंबई/पुणे

Pune By-Election: महाविकास आघाडीत मतभेद? कसबा विधानसभा पोटनिवडणुकीत ठाकरे गटाची उडी

शिवसैनिकांच्या भूमिकेमुळे आघाडीत बिघाडी?

Prachee kulkarni

Pune By-Election News : भाजप आमदार मुक्ता टिळक यांचं कर्करोगाने निधन झाल्यानंतर कसबा मतदारसंघाची जागा रिक्त झाली आहे. मुक्ता टिळक यांच्या निधनामुळे कसबा मतदारसंघाची पोटनिवडणूक होणार आहे. २७ फेब्रुवारीला मतदान होणार असून २ मार्च रोजी मतमोजणी होणार आहे. भाजपकडून ही निवडणूक बिनविरोध व्हावी, यासाठी प्रयत्न सुरु असतानाच दुसरीकडे महाविकास आघाडीत मात्र या जागेवरून संघर्ष होणार असल्याचे चिन्ह दिसत आहेत.

भाजपकडून (BJP) माजी स्थायी समिती अध्यक्ष हेमंत रसाने, माजी सभागृह नेते धीरज घाटे यांच्यासह गणेश बिडकर आणि शैलेश टिळक यांचे नावं चर्चेत आहेत. तर महाविकास आघाडीतील तीनही पक्ष ही निवडणूक लढविण्याच्या तयारीत दिसत आहेत. त्यामुळे कसबा पेठ पोटनिवडणुकीच्या पूर्वीच पुण्यात (Pune) जोरदार राजकारण रंगलं आहे.

तर, दुसरीकडे आता कसबा विधानसभा पोट निवडणुकीच्या रिंगणात ठाकरे गटाने उडी घेतली आहे. कसबा विधानसभा पोट निवडणुकीच्या रिंगणात शिवसेना (Shivsena) उतरणार आहे. पुण्यात काल झालेल्या बैठकीत हा निर्णय घेण्यात आला आहे.

या बैठकीत पुणे शिवसेनेचे शहराध्यक्ष संजय मोरे यांना उमेदवारी देण्यात यावी अशी इच्छा उद्धव ठाकरे यांच्याकडे व्यक्त करण्यात आली आहे. शिवसैनिकांच्या या भूमिकेमुळे महाविकास आघाडीत बिघाडी होण्याची शक्यता वर्तवण्यात आहे. कालच्या बैठकीनंतर ठाकरे गटाच्या कार्यकर्त्यांकडून पोस्टर व्हायरल केले जात आहे. त्यामुळे येत्या काळात नेमकं काय होत हे पाहणं आता महत्त्वाचे ठरणार आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Maharashtra Live News Update: निम्न पैनगंगा प्रकल्प धरण विरोधी यवतमाळमध्ये दगडफेक

Maharashtra : महाराष्ट्र-छत्तीसगड सीमेजवळ पोलिसांची मोठी कामगिरी; ८९ लाख बक्षीस असलेले ११ नक्षलवादी सरेंडर

Skin Care: ड्रायनेसमुळे चेहरा डल पडलाय? मग 'या' फळाच्या घरगुती फेसपॅकने मिळेल नॅचरल ग्लोईंग आणि सॉफ्टो स्किन

Idli Manchurian: उरलेल्या इडल्या फेकून देताय? करा कुरकुरीत शेजवान इडली मंचुरियन, संध्याकाळच्या नाश्त्यासाठी परफेक्ट रेसिपी

Kala Vatana Rassa Bhaji Recipe: मालवणी स्टाईल काळ्या वटाण्याची रस्सा भाजी घरी कशी बनवायची?

SCROLL FOR NEXT