पुणे : पुण्यात पुन्हा एकदा हिट अँड रनची घटना घडली आहे. पुण्यातील पिंपळे गुरव मेन बस स्थानकाजवळ 'हिट अँड रन'ची घटना घडली आहे. बस स्थानकाजवळ भरधाव कारचालकाने दुचाकीस्वाराला फरफटत नेले आहे. या घटनेत दुचाकीस्वार गंभीर जखमी झाला आहे. बुधवारी दुपारी ४ वाजता ही घटना घडली आहे. या घटनेच्या थरारक व्हिडिओ समोर आला आहे.
पुण्यातील कल्याणीनगर हिट अँड रन प्रकरणानंतर पुण्यात आणखी अशीच एक घटना घडली आहे. पुण्यातील पिंपळे गुरव मेस बस स्थानकाजवळ हिट अँड रनची घटना घडली. बुधवारी चार वाजता हा अपघाताचा धक्कादायक प्रकार घडला. या भरधाव कारने दुचाकीस्वाराला १०० ते २०० फूट फरफटत नेले. कार चालक हा मद्यधुंद असल्याचा आरोप प्रत्यक्षदर्शीनी केला आहे. या भीषण अपघातात दुचाकीस्वार गंभीर जखमी झाला आहे. ही घटना सीसीटीव्ही कॅमेऱ्यात कैद झाली आहे.
पिंपळे गुरव हिट अँड रनची घटना बुधवारी घडली आहे. तरीही या प्रकरणात अद्याप सांगवी पोलिसांनी गुन्हा दाखल केला नसल्याची माहिती समोर आली आहे. या घटनेला दोन दिवस उलटूनही गुन्हा दाखल न केल्याने आश्चर्य व्यक्त करण्यात येत आहे. आज तक्रारदार तक्रार द्यायला आल्यास सांगवी पोलीस स्टेशनमध्ये कारचालकाविरोधात गुन्हा दाखल करण्याची प्रक्रिया सुरू होणार असल्याची माहिती मिळत आहे.
पालघरच्या मनोर रोडवरील गणेश घाटात दुचाकीस्वाराला भरधाव कारने चिरडल्याची घटना घडली. अपघातात दुचाकीस्वार सागर पाटील याचा जागीच मृत्यू झाला आहे. सागर आपल्या कामावरून घरी परतत असताना त्याचा अपघातात मृत्यू झाला. या अपघात प्रकरणी कार चालकाला मनोर पोलिसांनी अटक केली आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.