Pune Crime News:

फुकट दारुची मागणी करत एक्साईज डिपार्टमेंटच्या अधिकाऱ्याने हॉटेलमध्ये धिंगाणा घातल्याचा धक्कादायक प्रकार पुण्यामधून समोर आला आहे. विकास अबने असे या अधिकाऱ्याचे नाव असून या अधिकाऱ्याने हॉटेल मॅनेजर आणि वेटरला मारहाणही केल्याचे समोर आले आहे. (Crime News In Marathi)

याबाबत सविस्तर माहिती अशी की, पुण्यातील (Pune) ड्रामा नाईन हॉटेलमध्ये एका एक्साईज डिपार्टमेंटच्या अधिकाऱ्याने दारुसाठी धिंगाणा घातल्याचे समोर आले आहे. मद्यधुंद अवस्थेत असलेल्या या अधिकाऱ्याने हॉटेल बंद असतानाही दारूची मागणी केली.

मात्र दारु देण्यास नकार दिल्याने या अधिकाऱ्याने हॉटेल मॅनेजर आणि वेटरला बेदम मारहाण करत हॉटेलमध्ये धिंगाणा घातला. हा संपूर्ण प्रकार हॉटेलच्या सीसीटिव्ही कॅमेऱ्यात कैद झाला आहे.

धक्कादायक बाब म्हणजे याच अधिकाऱ्याने हॉटेल बाहेर एका जोडप्याला मारहाण केल्याचेही उघड झाले आहे. याविषयी पोलिसांना कोणतीही माहिती नसल्याने संताप व्यक्त केला जात असून संबंधित अधिकाऱ्यावर कठोर कारवाई करण्याची मागणी केली जात आहे. (Latest Marathi News)