ज्ञानेश्वर हिंगोलीकर

पुणे: शाळेत निघालेल्या दोन मुलींना कंटेनरची धडक (Accident) बसल्यामुळे त्यांचा जागीच मृत्यू झाला आहे. हा दुर्देवी अपघात झाल्यानंतर कंटेनर ड्रायव्हर फरार झाला आहे. पुण्यातील (Pune) लोणी काळभोर परिसरात आज सकाळी ७ वाजता ही घटना घडली आहे. (Pune Accident News)

हे देखील पाहा -

पोलिसांनी दिलेल्या माहितीनुसार, दोन्ही मुली त्यांच्या मामासोबत दुचाकीवरुन शाळेत निघाल्या होत्या. यावेळी कंटेनरने दुचाकीला धडक दिल्याने हा अपघात झाला. छकुली कुमार शितोळे (वय १७) आणि राजश्री कुमार शितोळे (वय- १० दोघीही रा. कवडीपाट, कदमवाकवस्ती, ता. हवेली) अशी अपघातात मृत्यू झालेल्या दोघींची नावे आहेत. छकुली ही ११ वी ला तर राजश्री 6 वी च्या वर्गात शिकत होती. पृथ्वीराज कपूर मेमोरियल हायस्कूल व ज्युनियर कॉलेजमध्ये त्या शिक्षण घेत होत्या. याप्रकरणी पोलिस अधिक तपास करत आहेत.