- अक्षय बडवे

Pune News :

पुणे महापालिकेने (pune municipal corporation) थकीत मालमत्ता कर (property tax) वसूल करण्यासाठी भन्नाट आयडिया काढली आहे. बड्यांसह छाेट्या थकबाकीदारांच्या मिळकत कराच्या वसूलीसाठी त्यांच्या घरासमाेर महापालिकेचे वसूली पथक बँड वाजवत आहे. यामुळे थकीत रक्कम जमा हाेत असल्याचा अनुभव पुणे महापालिका वसूली पथकास येत आहे. (Maharashtra News)

पुणे महापालिकेने सोमवारपासून शहरात पाच पथकांच्या माध्यमातून बँड वाजवून थकबाकी वसूल करायला सुरुवात केली आहे. आत्तापर्यंत 1900 कोटी रुपयांची वसुली झालेली आहे. हे आर्थिक वर्ष संपण्यासाठी सव्वा महिना शिल्लक असताना प्रशासनापुढं आणखी 400 कोटी रुपये वसूल करण्याचे आव्हान आहे.

दरम्यान थकबाकीदारांच्या घरासमाेर बॅंड वाजू लागल्याने अनेक मिळकतधारक स्वत:हून थकीत मालमत्ता कर महापालिकेकडे जमा करु लागल्याचे चित्र आहे. पुणे महापालिकेच्या या भन्नाट आयडियाची शहरातील चाैका-चाैकात चर्चा सुरु आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar