Pune News : राष्ट्रवादी काँग्रेसमध्ये उभी फूट पडल्यानंतर पक्ष आणि पक्षचिन्ह कुणाचं यावरुन वाद सुरु झाला आहे. निवडणूक आयोगात आता हे प्रकरण गेलं आहे. दरम्यान पुणे राष्ट्रवादी काँग्रेस पक्षाच्या कार्यालयातून मोठी अपडेट समोर आली आहे.

पुणे राष्ट्रवादीच्या कार्यालयातून अजित पवार यांचे फोटो हटवण्यात आले आहेत. अजित पवार यांच्या जागी आता राष्ट्रवादी काँग्रेसचे (शरद पवार गट) प्रदेशाध्यक्ष जयंत पाटलांचे फोटो लावण्यात आले आहेत.

शरद पवारांनी अजित पवार गटाला त्यांचे फोटो न वापरण्याचेही आदेश दिले होते. त्यानंतर आता शरद पवार गटाने अजित पवारांचे देखील फोटो हटवले आहे. याआधी राष्ट्रवादीचे नेते प्रफुल्ल पटेल यांचाही फोटो दिल्लीतील राष्ट्रवादी विद्यार्थी काँग्रेसच्या कार्यालयातून हटवण्यात आला होता. (Latest Marathi News)

राष्ट्रवादी काँग्रेस पक्षांची कायदेशील लढाई आता सुरु झाली आहे. केंद्रीय निवडणूक आयोगाने शरद पवार यांच्या गटाला व अजित पवार गटाला नोटीस पाठवली आहे. अजित पवारांच्या गटाने दाखल केलेल्या याचिकेवर ही नोटीस पाठवण्यात आली आहे. (Political News)

राष्ट्रवादीतील फुटीनंतर दोन्ही गटांकडून पक्षावर दावा केला जात आहे. या दाव्यांनुसार कायदेशीर दस्तावेज सादर करावेत, असं निवडणूक आयोगाने म्हटल्याची माहिती आहे.