भरसमुद्रात दोन बोटींची धडक होऊन मोठी दुर्घटना झालीय. अलिबागमधील नीलकमल प्रवासी बोटीला नौदलाच्या स्पीड बोटीने धडक दिली. या धडकेत ८० जण बुडले आहेत. बोटीच्या धडकेचा व्हिडिओ आता साम टीव्हीच्या हाती आलाय. या व्हिडिओमध्ये दिसत आहे की, स्पीड बोट समुद्रात घिरट्या घालत आहे. दोन फेरी झाल्यानंतर स्पीड बोट वेगाने प्रवासी बोटाकडे आली आणि ८० प्रवासी असलेल्या बोटीला धडकली.

नौदलाच्या बोटीने प्रवासी बोटीला धडक दिल्याचं सांगितलं जात आहे. यात ३ जणांचा मृत्यू झालाय. निलकमल असे दुर्घटनाग्रस्त झालेल्या बोटीचे नाव आहे. अपघात घडल्यानंतर नौदलाच्या ११ बोटी, सागरी पोलिसांच्या ३ बोटी आणि तटरक्षक दलाच्या बोटी घटनास्थळी दाखल झाल्या आहेत.