या नराधमाला नीट पाहा... हाच तो नराधम ज्यानं धावत्या ट्रेनमधून एका मुलीला ढकलून दिलयं....मुंबईकरांची लाईफलाईन असलेल्या लोकलमधून दररोज लाखो जण प्रवास करतात...मात्र याचं लोकलच्या प्रवासात घडलेल्या घटनेनं महिलांच्या सुरक्षेचा मुद्दा ऐरणीवर आलाय....

दरम्यान माथेफिरूच्या कृत्यानं ट्रेनमधील महिलांनी आरडाओरडा सुरु केला... डोळय़ांसमोर एका मुलीला ट्रेनमधून ढकलून दिल्याचे पाहून महिलांमध्ये भीतीचं वातावरण पसरलं... महिलांनी चेन खेचून गाडी थांबवली...त्याआधी महिलांनी रेल्वे हेल्पलाइन क्रमांकावर संपर्क साधून पोलिसांना घडलेल्या घटनेची माहिती दिली...ट्रेनमधील सहप्रवाशांनीही माथेफिरूला पकडून पोलिसांच्या ताब्यात दिलयं...

दरम्यान ट्रेनमधून पडल्यानंतर जखमी अवस्थेत असलेल्या तरुणीने कसाबास वडिलांना फोन करून घडलेला प्रकार सांगितला. कुटुंबीयांनी तातडीने तिला शोधून उपचारासाठी रुग्णालयात दाखल केलं. सध्या त्या तरूणीवर उपचार सुरू असून तिची प्रकृती गंभीर असल्याची माहिती आहे... मात्र या घटनेनं पुन्हा एकदा मुंबईच्या लाईफलाईनमध्ये महिलांच्या सुरक्षेचा मुद्दा ऐरणीवर आलाय... या घटनेनंतर तरी ट्रेनमध्ये महिलांच्या सुरक्षेसाठी ठोस उपाययोजना राबवणार का? हा खरा प्रश्न आहे...