जम्मू-काश्मीरच्या पहलगाममध्ये झालेल्या दहशतवादी हल्ल्यात पुण्यातील संतोष जगदाळे आणि कौस्तुभ गनबोटे या दोघांचा मृत्यू झाला. हे दोघेजण नातेवाईक असून मंगळवारी दहशतवाद्यांनी गोळ्या झाडून त्यांची हत्या केली. दोघांचेही पार्थिव त्यांच्या पुण्यातील घरी आणण्यात आले. पुण्यामध्ये त्यांच्या पार्थिवावर पुण्यात अंत्यसंस्कार करण्यात येणार आहे. दोघांचेही पार्थिव पुण्यातील घरी दाखल होताच नातेवाईकांना अश्रू अनावर झाले. राष्ट्रवादी काँग्रेस शरद पवार गटाचे सर्वेसर्वा शरद पवार यांनी संतोष जगदाळेंच्या कुटुंबीयांची भेट घेत त्यांचे सांत्वन केले.
संतोष जगदाळे यांची हत्या त्यांची मुलगी आणि पत्नीच्या डोळ्यासमोर करण्यात आली. संतोष यांच्या जाण्याने त्यांच्या कुटुंबीयांना मोठा धक्का बसला. डोक्यावरील वडिलांचे छत्र हरपल्यामुळे संतोष जगदाळे यांच्या मुलीला मोठा धक्का बसला. संतोष जगदाळे यांच्या पार्थिवाचे दर्शन घेण्यासाठी आणि त्यांना अखेरचा निरोप देण्यासाठी नातेवाईकांनी मोठी गर्दी केली आहे. संतोष जगदाळे यांच्या मित्रांना देखील अश्रू अनावर झाले आहेत. सकाळपासूनच संतोष जगदाळे यांच्या नातेवाईकांनी त्यांच्या घरी मोठी गर्दी केली आहे. थोड्याच वेळात त्यांच्या पार्थिवावर अंत्यसंस्कार करण्यात येणार आहे.
संतोष जगदाळे यांच्या कुटुंबीयांची राष्ट्रवादी काँग्रेस शरद पवार गटाचे सर्वेसर्वा शरद पवार यांनी भेट घेतली. यावेळी शरद पवार यांनी संतोष जगदाळे यांच्या पार्थिवाचे दर्शन घेतलं. शरद पवार यांच्यासमोर संतोष जगदाळेंची पत्नी आणि मुलीने टाहो फोडला. यावेळी आसावरी जगदाळेने या हल्ल्याचा थरार शरद पवारांना सांगितला. आसावरी जगदाळेची अवस्था पाहून उपस्थित नागरिकांना देखील अश्रू अनावर झाले. फॅमिलीसोबत सुट्टी इन्जॉय करण्यासाठी गेलेल्या संतोष जगदाळेंची कुटुंबीयांसोबतची ही सहल अखेरची ठरली.
दरम्यान, पुण्यातील एका कंपनीत संतोष जगदाळे यांची मुलगी आसावरी जगदाळे एचआर म्हणून काम करतात. आसावरीसोबत तिचे वडील संतोष जगदाळे, आई प्रगती जगदाळे, त्याचसोबत काका कौस्तुभ गनबोटे आणि त्यांची पत्नी संगीता गनबोटे हे काश्मिरमध्ये सुट्ट्या एन्जॉय करण्यासाठी आले होते. यामधील कौस्तुभ गनबोटे आणि संतोष जगदाळे यांची दहशतवाद्यांनी हत्या केली. जगदाळे कुटुंबीय पुण्यातील कर्वेनगर परिसरात राहतात. तर गणबोटे कुटुंबीय हे पुण्यातील रास्ता पेठेत राहतात. वडील आणि काकांना गमावल्यामुळे आसावरीसोबत त्यांच्या कुटुंबीयांवर दु:खाचा डोंगर कोसळला आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.