पुणे महानगरपालिकेने (PMC) नुकतंच जाहीर केले आहे की 27 मार्च रोजी शहरातील काही भागात पाणीपुरवठा होणार नाही. कल्याणीनगर, वडगावशेरी, लोहेगाव, विमाननगर, विश्रांतवाडी आणि येरवडा या क्षेत्रात पाणी पुरवठा बंद असणार आहे. पीएमसीने जारी केलेल्या निवेदनानुसार, भामा आसखेड धरण परिसरात नियोजित विद्युत कामे करण्यासाठी पाणीपुरवठा विस्कळीत झाला आहे.

दरम्यान शहराला पाणी पुरवठा करणाऱ्या पर्वती जलकेंद्र पंपींग, एसएनडीटी, वारजे जलकेंद्र आणि नवीन व जुने होळकर पंपिंग स्टेशन येथील विद्युत, पंपींग विषयक, स्थापत्य विषयक देखभाल व दुरुस्तीचे कामे केली जाणार असल्यानेगुरुवारी (दि.24) रोजीही पाणी पुरवठा बंद करण्यात आला होता. तसेच शुक्रवारी (दि.25) सकाळी उशिरा व कमी दाबाने पाणी पुरवठा होणार असल्याची माहिती महापालिकेच्या पाणीपुरवठा विभागाने दिली होती. (Pune News)