Pune News :

ड्रग माफिया ललित पाटील प्रकरणानंतर ससून रुग्णालया देखील चर्चेत आलं होतं. ससून रुग्णालयात उपचार घेत असलेल्या कैद्यांबाबत अनेक प्रश्न उपस्थित केले जात होते. त्यामुळे प्रशासनाने आता ससून रुग्णालयातील कैद्यांच्या वॉर्डसाठी नवी नियमावली जारी केली आहे.

ललित पाटील प्रकरणानंतर ससून रुग्णालय प्रशासन अनेक पावले उचलणार आहे. ससून रुग्णालयात अनेक कैदी अनेक दिवसांपासून तिथे मुक्काम ठोकून असल्याचं निदर्शनास आलं होतं. मात्र आता ससून रुग्णालयातील कैद्यांचा अतिरिक्त मुक्काम कमी होणार आहे. (Maharashtra News)

ससून रुग्णालयात प्रशासनाकडून नवी कैदी रुग्ण समिती देखील स्थापन करण्यात येणार आहे. कैद्यांना देण्यात येणाऱ्या उपचारांवर नवी समिती लक्ष ठेवणार आहे.  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

नव्याने स्थापन करण्यात आलेल्या या समितीमध्ये सात सदस्यांचा समावेश असणार आहे. प्रत्येक महिन्याला कैद्यांचा बोर्ड समिती आढावा घेणार आहे. त्यामुळे ललित पाटील पलायन प्रकरणानंतर सावध झालेल्या रुग्णालय प्रशासनाच्या या उपाययोजनांचा किती फायदा होतो हे येत्या काळात स्पष्ट होईल.