- सिद्धेश म्हात्रे

Navi Mumbai Water Cut News: नवी मुंबई शहराला पाणीपुरवठा (navi mumbai water supply department) करणाऱ्या चिखले येथील पनवेल कर्जत येथील दुहेरी रेल्वे मार्गाकरीता जलवाहिनी स्थलांतरीत करण्यात येणार आहे. तसेच कळंबोली येथे एक्सप्रेस पुलाखाली दिवा पनवेल रेल्वे मार्गावरील लाईन क्रॉसिंग करून जलवाहिनी टाकण्यासाठीची अत्यावश्यक कामे करण्यात येणार आहेत. (Breaking Marathi News)

याबराेबरच भोकरपाडा येथील जलशुद्धीकरण केंद्र, मोरबे धरण ते दिघा या मुख्य जलवाहिनीवर देखभाल दुरुस्तीची कामे करण्यासाठी सोमवारी सकाळी १० ते मंगळवारी सकाळी १० वाजेपर्यंत भोकरपाडा जलशुद्धीकरण केंद्रातून होणारा पाणी पुरवठा बंद ठेवण्यात येणार आहे.

त्यामुळे नवी मुंबई महापालिका क्षेत्रात सोमवारी संध्याकाळी व मंगळवारी सकाळी होणारा पाणी पुरवठा बंद राहणार आहे. तरी नागरिकांनी काटकसरीने पाण्याचा वापर करावा असे आवाहन प्रशासनाने केले आहे.

Edited By : Siddharth Latkar