Uran News:

उरणमधील चिरले गावाजवळ गंगा रसोई हॉटेलच्या समोरील सर्विस रोडवर भीषण दुर्घटना घडली आहे. सर्विस रोडवरुन जाणाऱ्या ४ इसमांना एका भरधाव ट्रकने उडवल्याची थरारक घटना समोर आली आहे. या दुर्घटनेत २ जणांचा मृत्यू झाला असून २ जण गंभीर जखमी आहेत. या घटनेचा सीसीटीव्ही समोर आला असून उरण पोलीस अधिक तपास करतायत. (Latest Marathi News)

सदर घटना २४ ऑगस्ट रोजी सायंकाळी ८ च्या सुमारास घडली. घटनेची माहिती मिळताच पोलिसांनी घटनास्थळी धाव घेतली. अपघातामुळे काही वेळ वाहतूक कोंडी देखील झाली होती. पोलिसांनी जखमींना तातडीने जवळच्या रुग्णालयात दाखल केलं आहे. सध्या जखमींवर उपचार सुरू आहेत. अपघाताचा थरारक सीसीटीव्ही व्हिडीओ देखील समोर आला आहे.

उल्हासनगरमध्ये देखील अपघाताची अशीच एक चित्तथथरारक घटना घडली आहे. शुक्रवारी रात्री दहा वाजेच्या सुमारास उल्हासनगर काम क्रमांक तीन येथील चोपडा कोर्ट परिसरात शहाड स्टेशन रोडवर हा अपघात झाला. या अपघातात मोटरसायकल घसरल्याने मोटरसायकलवरील युवक एका बसच्या चाकाखाली आल्याने त्याचा जागीच चिरडून मृत्यू झाला.

या मृत युवकाचे नाव द्रविड मिश्रा असे असून,तो शहाड फाटक परिसरात राहणारा आहे. अपघातानंतर मृतदेह उल्हासनगरच्या मध्यवर्ती रुग्णालयात शवविच्छेदनासाठी नेण्यात आला. या घटनेने शहाड फाटक परिसरात हळहळ व्यक्त केली जात आहे. मध्यवर्ती पोलीस ठाण्यात याबाबतीत अपघाताचा गुन्हा दाखल करण्यात आला आहे.