मुंबईवरुन आता नवी मुंबई जोडली जाणार आहे. मुंबईत गोरेगाव मुलुंड लिंक रोड प्रकल्पाच काम सुरु आहे. अशातच आता त्यातील पुढचा टप्पा नाहूर ते ऐरोली उड्डाणपुलासाठी निविदा काढण्यात आली आहे. गोरेगाव-मुलुंड लिंक रोडचं काम पूर्ण होईल. यानंतर चौथ्या टप्प्यासाठी नाहूर ते ऐरोली उड्डाणपुल बांधला जाणार आहे. नाहूर ते ऐरोली उड्डाणपूल १.३३ किमी लांब असणार आहे. यामध्ये ठाणे आणि मुंबईला जोडणारे इंचरचेंज असणार आहे.

नाहूर ते ऐरोली उड्डाणपुलासाठी १२९३ कोटींची निविदा काढण्यात आली आहे. हा नवीन उड्डाणपूल ऐरोली उड्डाणपुलावर बांधण्यात येणार आहे. या उड्डाणपुलामुळे ईस्टर्न एक्सप्रेस हायवेवरील वाहतूक कोंडी कमी होणार आहे. यामुळे नाहूर, ऐरोली, ठाणे आणि साउथ मुंबई या चारही दिशांना कनेक्टिव्हिटी मिळेल. या चार दिशांना जोडणाऱ्या इंटरचेंजला सिग्नल नसणार आहे.

ऐरोली उड्डाणपुलावर नवीन ब्रिज (Nahur-Airoli New Bridge)

ऐरोली उड्डाणपुलावरील केबल स्टेज पूल बांधण्यात येणार आहे. हे काम दोन टप्प्यांमध्ये होणार आहे. पहिल्या टप्प्यात नाहूर ते ऐरोली अस १.३३ किमी लांबी उड्डाणपुलाचा समावेश आहे.

यामध्ये दुसऱ्या टप्प्यात चार इंटरचेंज असणार आहे. ठाणे-नाहूर, ऐरोली-ठाणे, मुंबई ऐरोली आणि ऐरोली- मुंबई असे इंटरचेंज असणा आहे. यामुळे प्रवासाचा वेळ कमी होणार आहे. १२.२ किमी लांबीचा गोरेगाव मुलुंड लिंक रोड वेस्टर्न एक्सप्रेस हायवेला आणि मुलुंड येथील ईस्टर्न एक्सप्रेस हायवेशी जोडला जाणार आहे. यामुळे प्रवासाचा वेळ ७५ मिनिटांवरुन २५ मिनिटांवर येणार आहे. म्हणजेच ५० मिनिटांचा वेळ वाचणार आहे.

हा प्रकल्प १४००० कोटींचा आहे. यामुळे मुंबईत पूर्व-पश्चिम कनेक्टिव्हिटी मिळणार आहे. यामध्ये दिंडोशीजवळ १.२ किमी लांबीचा उड्डाणपुल असणार आहे. याचं काम २०२६ पर्यंत पूर्ण होईल.