बारामती विधानसभा पोटनिवडणुकीच्या रणधुमाळीनं आता एक वेगळचं वळण घेतलयं...एकीकडे उपमुख्यमंत्री सुनेत्रा पवार यांनी पोटनिवडणुक बिनविरोध करण्यासाठी मोर्चेबांधणी सुरु केलीय. दिल्ली दौऱ्यावरून परतताच सुनेत्रा पवारांनी उद्धव ठाकरेंना फोन करून पोटनिवडणुकीत पाठिंबा देण्याची मागणी केली आहे.

तर उद्धव ठाकरेंही बिनविरोध निवडणुकीबाबत सकारात्मक असल्याची माहिती सूत्रांनी दिलीय. काँग्रेस मात्र निवडणुकी लढण्यावर ठाम आहे. त्यामुळे बारामती पोटनिवडणुकीवरून मविआतले मतभेद चव्हाट्यावर आले आहेत.

तर दुसरीकडे शरद पवार आणि जयंत पाटलांमध्ये बारामती पोटनिवडणुक बिनविरोध करण्यासंदर्भात सिल्वर ओकवर महत्त्वपूर्ण बैठक झालीय. विशेष म्हणजे शरद पवार स्वत: काँग्रेस हाय कमांडशी बिनविरोध निवडणुकीबाबत चर्चा करणार असल्याची माहिती सूत्रांनी दिलीय. त्यामुळे राज्यातली काँग्रेस निव़डणूक लढण्यावर ठाम राहणार की ठाकरे-पवारांच्या आग्रहामुळे माघार घेणार याबाबत सर्वांची उत्सुकता ताणली गेलीय.