मुंबई : मुंबई विद्यापीठाच्या सिनेट निवडणुकांचा निकाल आज निकाल जाहीर झाला आहे. मुंबई विद्यापीठांच्या १० नोंदणीकृत १० पदवीधारांच्या जागांकरिता मंगळवारी २४ सप्टेंबर २०२४ मतदान पार पडलं होतं. आज या निवडणुकांची मतमोजणी पार पडली आहे. या निवडणुकीत दहाही जागांवर ठाकरे गटाच्या युवासेनेने विजय मिळवला आहे.

मुंबई विद्यापीठांच्या सिनेट निवडणुकीची मतमोजणी झाली. या निवडणुकीत ठाकरे गटाची युवासेना आणि अभाविपमध्ये थेट लढत पाहायला मिळाली. मुंबई विद्यापीठाच्या या १० जागांसाठी २८ उमेदवार रिंगणात उतरले होते. या निवडणुकीसाठी विद्यापीठाच्या परिक्षेत्रातील एकूण ३८ मतदान केंद्र आणि ६४ बूथवर मतदान प्रक्रिया पार पडली. या निवडणुकीसाठी मतदारांची एकूण संख्या १३,४०६ इतकी होती. या निवडणुकीसाठी एकूण मतदानाच्या फक्त 55 टक्के मतदान झालं होतं.

या निवडणुकीसाठी युवासेना आणि अभाविपने सर्व १० जागांवर उमेदवार उभे केले आहेत. तर छात्रभारती विद्यार्थी संघटनेने चार उमेदवार उभे केले होते. तर मनसेने एक उमेदवार रिंगणात उतरवला होता. तर शिंदे गटाने या निवडणुकीत सहभाग नोंदवला नव्हता. या निवडणुकीचा पहिला निकाल हाती आला आहे. या सिनेट निवडणुकीचा पहिला निकाल युवासेनाच्या बाजूने लागला आहे. या निवडणुकीच्या ओबीसी प्रवर्गातून मयूर पांचाळ यांचा विजय झाला आहे. मयूर पांचाळ यांना ५३५० मते मिळाली आहेत.

पाच आरक्षित जागांवर उमेदवारांना मिळालेली उमेदवारांना मते

महिला प्रवर्ग

युवासेना - स्नेहा गवळी - ५९१४ मते

अभाविप - रेणुका ठाकूर - ८९३ मते

SC प्रवर्ग

युवासेना - शीतल शेठ देवरुखकर - ५४८९ मते

अभाविप -राजेंद्र सायगावकर - १०१४ मते

Obc प्रवर्ग

युवासेना - मयूर पांचाळ - ५३५० मते

अभाविप - राकेश भुजबळ - ८८८ मते

ST प्रवर्ग

युवासेना - धनराज कोहचडे - ५२४७ मते

अभाविप - निशा सावरा -९२४ मते

NT प्रवर्ग

युवासेना - शशिकांत झोरे - ५१७० मते

अभाविप -अजिंक्य जाधव - १०६६ मते

खुला वर्ग

युवासेना - प्रदीप सावंत

युवासेना - मिलिंद साटम

युवासेना - अल्पेश भोईर

युवासेना - परम यादव

युवासेना - किसन सावंत