मुंबई-पुणे द्रुतगती मार्गावरील वाहतुकीत मोठा बदल करण्यात आला आहे. मुंबई-पुणे द्रुतगती मार्गाच्या आडोशी बोगद्याजवळ बसवण्यात आलेल्या जाळीमध्ये अडकलेले दगड काढण्याचे शुक्रवारी करण्यात येणार आहे. त्यामुळे शुक्रवारी दुपारी 12 ते २ वाजेदरम्यान करण्यात येणार आहे. या कालावधीत द्रुतगती मार्गावरुन बोरघाटमार्गे प्रवास करणाऱ्या वाहनचालक आणि नागरिकांच्या सुरक्षिततेसाठी जड व अवजड वाहनांची वाहतूक पूर्णत: बंद करण्यात येणार आहे.

बोरघाट मार्गे मुंबई वाहिनीवरील कि.मी. क्र. 59.000 पासून सर्व जड-अवजड वाहनासांठी वाहतूक वरील कालावधीमध्ये बंद राहील. तसेच बोरघाटमार्गे पुणे वाहिनीवरील कि.मी. क्र. 30/000 पासून जड-अवजड वाहनासांठी वाहतूक या कालावधीमध्ये बंद करण्यात येणार असल्याची माहिती हाती आली आहे.

पुण्याकडून मुंबईकडे जाणारी हलकी मोटार वाहने, बसेस / प्रवासी वाहने ही वाहतूक कि.मी. क्र. 59/000 पासून कनेक्टिंग लिंकमार्गे मुंबईकडे सुरु राहील. तर मुंबईकडून पुण्याकडे जाणारी हलकी मोटार वाहने व बसेस / प्रवासी वाहने ही कि.मी. क्र 39/00 येथून कनेक्टिंग लिंकमार्गे पुणेकडे सुरु राहणार आहे. लोणावळा-खंडाळा मुंबईकडे जाणारी हलकी मोटार वाहने, बसेस / प्रवासी वाहने तसेच जड-अवजड वाहने द्रुतगतीवरील कि.मी. क्र. 45/00 येथे थांबविण्यात येणार आहे.

तत्पूर्वी, वाहनचालकांनी प्रवासाचे नियोजन करावे. तसेच या कालावधीदरम्यान अडचण आल्यावर मदतीसाठी द्रुतगती मार्गाच्या नियत्रंण कक्षाचा दूरध्वनी क्र. 9822498224 आणि महामार्ग पोलीस विभागाचा दूरध्वनी क्रमांक 9833498334 वर संपर्क साधावा, असे आवाहन करण्यात आलं आहे.