Mumbai-Pune Express Way Block

खालापूर तालुका हद्दीत खोपोली ते पाली फाटा राष्ट्रीय मार्गावर काम सुरू असल्यामुळे मुंबई पुणे द्रुतगती मार्गावर आज ३ तासांचा ब्लॉक असणार आहे. त्यामुळे या मार्गावरील वाहतूक पूर्णणे बंद राहणार आहे.

खोपोली ते पाली फाटा राष्ट्रीय मार्गावर 50 टन वजनाचे गर्डर टाकण्याचे काम केले जाणार आहे. त्यामुळे दुपारी १२ ते ३ या वेळेत पुणे लेनवरील वाहतूक बंद राहणार आहे. या कालावधीत मुंबईहून पुण्याकडे जाणारी वाहतूक 1 किलोमीटर अंतरासाठी मुंबई लेन वरून वळवण्यात येणार आहे. दुपारी 3 नंतर वाहतूक पूर्ववत होण्याची शक्यता आहे.

पेण खोपोली राष्ट्रीय महामार्गावरील पाली फाटा येथील पुलाच काम सुरू आहे. त्यामुळे एक्सप्रेस वे ची पुणे लेन दुपारी 12 ते 3 या वेळेत बंद राहणार असल्याचे महाराष्ट्र राज्य रस्ते विकास महामंडळाकडून सांगण्यात आले आहे. प्रसिद्धी पत्रक काढून याबाबतची माहिती देण्यात आली आहे. या कालावधीत मुंबईहून पुण्याकडे जाणारी वाहतूक 1 किलोमीटर अंतरासाठी मुंबई लेन वरून वळवण्यात येणार आहे.

पेण खोपोली राष्ट्रीय महामार्ग पाली फाटा येथून मुंबई पुणे एक्सप्रेस वे वरून जातो. दरम्यान पेण खोपोली रस्त्याच्या रुंदीकरणाचे काम सध्या सुरून आहे. तसेच एक्सप्रेस वे वरील या पुलासाठी सुमारे 50 टन वजनाचे पुलाचे गर्डर बसविण्याचे काम आज केले जाणार आहे. त्यामुळे या मार्गावरील वाहतूक पूर्णपणे बंद करण्यात राहणार आहे.