Mumbai Crime News : मुंबईमध्ये डान्स बारवरील कारवाईचे सत्र अजूनही सुरूच आहे. काल (शनिवारी) मध्यरात्री अंधेरी येथील सदानंद बारवर धाड टाकण्यात आली. समाज सेवा शाखेच्या कारवाई दरम्यान मॅनेजर, कॅशिअर, वेटर आणि सात व्यस्तींसह एकूण १८ जणांना अटक करण्यात आली आहे. (Latest Mumbai Crime News)

डान्स बारमधून एकून ६ मुलींची सुटका करण्यात आली आहे. सदानंद बारमध्ये अवैधरित्या ऑर्केस्ट्रा बारच्या नावाखाली डान्स बार सुरू असल्याची माहिती समाज सेवाशेखेच्या अधिकाऱ्यांना मिळाली होती. माहितीची शहानिशा करून समाज सेवा शाखेने काल मध्यरात्री या बारवर धाड टाकली. यावेळी २२ हजार रुपयांची रोकड तसेच १ लॅपटॉप, स्पीकर आणि अम्प्लिफायर असा एकूण ६६ हजार रुपयांचा मुद्देमाल जप्त करण्यात आला.

आंबोली पोलीस ठाण्यात या विरोधात गुन्हा दाखल करण्यात आला आहे. तसेच पुढील तपास स्थानिक पोलीस ठाण्याकडून करण्यात येत आहे. मुंबईत अनेक ठिकाणी अशा प्रकारच्या डान्स बारवर कारवाई करण्यात आली आहे.

मुंबईत गुन्हेगारीच्या घटनांमध्ये सातत्याने वाढ होत आहे. काळबादेवी परिसरात ३२ लाखांची रोकड लुबाडल्या प्रकरणी दोघांना अटक देखील करण्यात आली आहे. लोकमान्य टिळक मार्ग पोलिसांनी ही कारवाई करत खाजगी सुपरवायजरसह खाजगी महिला सुरक्षारक्षक अशा दोघांना यात अटक केली आहे. शनिवारी संध्याकाळी काळबादेवी परिसरात सेल्स टॅक्स अधिकाऱ्याचं सोंग घेत ही लूटमार करण्यात आली होती.