नालासोपारा परिसरातून धक्कादायक बातमी समोर आली आहे. नालासोपारा पश्चिमेत एका स्पा सेंटरमध्ये देह विक्री सुरु असल्याची माहिती पोलिसांना मिळाली होती. या माहितीच्या आधारे सापळा रचून पोलिसांनी संबंधित स्पा सेंटरमध्ये धाड टाकली. पोलिसांना यावेळेस ६ महिलांसह २ जणांना ताब्यात घेतले आहे. तसेच स्पा सेंटरच्या चालकाविरुद्धही गुन्हा दाखल करण्यात आला आहे. या घटनेने नालासोपारा परिसरात खळबळ उडाली आहे.

पोलिसांनी दिलेल्या माहितीनुसार, नालासोपारा पश्चिम येथील रिगल स्पा सेंटरमध्ये देह विक्रीचा व्यवसाय सुरू असल्याची गुप्त माहिती पोलिसांना मिळाली होती. या माहितीची सत्यता तपासल्यानंतर पोलिसांनी प्लॅन आखला. ठरलेल्या प्लॅननुसार रिगल स्पा सेंटरवर पोलिसांनी छापा टाकला. पोलिसांनी धाड टाकताच धक्कादायक गोष्टी उघडकीस आल्या.

कारवाईदरम्यान पोलिसांनी सहा महिलांची सुटका केली. या प्रकरणात महेश चव्हाण (२२) आणि कमलेश पाठक (५२) या दोघांना अटक करण्यात आली आहे. याशिवाय स्पा सेंटरचा संचालक भीमसेन नायक यालाही आरोपी करण्यात आले असून त्याचा या रॅकेटशी असलेला संबंध तपासला जात आहे.

कारवाईदरम्यान या स्पा सेंटरवरून पोलिसांनी सहा महिलांची सुटका केली. या प्रकरणात महेश चव्हाण (२२) आणि कमलेश पाठक (५२) या दोघांना अटक करण्यात आली आहे. याशिवाय स्पा सेंटरचा संचालक भीमसेन नायकलाही पोलिसांनी अटक केली आहे. छाप्यावेळी पोलिसांनी घटनास्थळावरून महत्त्वाची कागदपत्रे तसेच इतर पुरावे जप्त केले. अटक करण्यात आलेल्या आरोपींकडून चौकशी सुरू असून या रॅकेटमध्ये आणखी कोणाचा सहभाग आहे का, याचा शोध घेतला जात आहे.