पालकानों, तुम्ही हातातलं काम सोडा, , टिव्हीचा आवाज वाढवा आणि ही बातमी नीट लक्ष देऊन ऐका. ज्या मुलांच्या उज्वल आयुष्यासाठी तुम्ही आयुष्यभर खस्ता खाता त्याच मुलांचं आयुष्य धोक्यात आलंय. तुमच्या मुलांवर कुणातरी दुष्टांची नजर आहे. होय तुम्ही जे ऐकताय. जे पाहताय ते 100 % खरंय. तुमची मुलं धोक्याच्या उंबरठ्यावर उभीयेत. अजूनही विश्वास बसत नसेल तर ही आकडेवारी लक्षपुर्वक पाहा.

36 दिवसांत 82 मुलं गायब, 60 मुलींचा समावेश

जून ते डिसेंबर 134 मुलं गायब, एकुण 86 मुलींचा समावेश

महिना संख्या मुलगा/ मुली

जून 26 0/ 26

जुलै 25 15/25

ऑगस्ट 19 5/14

सप्टेंबर 21 6/15

ऑक्टोबर 19 12/7

नोव्हेंबर 24 9/15

डिसेंबर 11 5/8

पायाखालची वाळू सरकेल अशी ही धक्कादायक आकडेवारी मुंबईतील गायब मुलांची आहे. हि तीच मुंबई आहे जे 24/7 धावतं शहर आहे हे तेच शहर आहे जे सर्वात सुरक्षित शहर म्हणून ओळखलं जातं हे तेच शहर आहे जे देशाची आर्थिक राजधानी आहे. त्यामुळे हे आकडे झोप उडवणारे नक्कीच आहेत. दिवसाला २ किंवा ३ मुलं गायब होत असतील तर आपल्या मुल किती असुरक्षित आहेत याचा अंदाज तुम्हाला आला असेल पण याही परिस्थितीत काही मुलांना शोधण्यात पोलिसांनी यश आल्याचा दावा करण्यात आलाय.

गायब मुलांचा शोध घेण्यासाठी पोलिस आता सखोल चौकशी करतायेत. मुंबईभर सीसीटिव्ही लावून देखिल मुलं मुली सर्रास गायब होत असतील तर मात्र हे एक मोठं आव्हान पोलिसांपुढे नक्कीच आहे. खरे आकडे जास्त असू शकतात कारण काही पालक समाजातील बदनामीच्या भितीनं मुलं गायब झाल्याची प्रकरणं पोलिसांत नोंदवत नाहीत. मात्र यामुळे कोवळ्या जिवांचे काय हाल होतात हे आपल्याला श्रद्धा वालकर प्रकरणानंतर कळलंच होतं.