रुपाली बडवे, साम टीव्ही

Dharavi Kamla Nagar Fire : मुंबईतून एक मोठी बातमी समोर आली आहे. मुंबईच्या धारावी झोपडपट्टीत पहाटेच्या सुमारास भीषण आग लागल्याची घटना घडली आहे. या आगीत आतापर्यंत २५ हून अधिक घरं जळून खाक झाल्याची माहिती आहे. आगीची माहिती मिळताच तत्काळ अग्निशमन दलाला पाचारण करण्यात आलं. (Latest Marathi News)

अग्निशमन दलाच्या २६ गाड्या घटनास्थळी दाखल झाल्या असून आग विझवण्यासाठी शर्थीचे प्रयत्न सुरू आहे. सुदैवाने या आगीत कोणतीही जीवितहानी झाली नसल्याची माहिती आहे. मिळालेल्या माहितीनुसार, धारावीच्या शाहूनगर परिसरात असलेल्या कमला नगरचा झोपडपट्टीमध्ये भीषण आग लागली.

पहाटे चार वाजण्याच्या सुमारास ही भीषण आग लागली. अचानक आग लागल्याने मोठा गोंधळ निर्माण झाला. बघता बघता आगीने रौद्ररूप धारण केलं. त्यामुळे परिसरातील 25 हून अधिक घरं आगीच्या भक्ष्यस्थानी आली. आगीची माहिती मिळताच तात्काळ अग्नीशमन दलाला पाचारण करण्यात आलं.

घटनेची माहिती मिळताच, अग्निशमन दलाचे २५ ते २६ बंब घटनास्थळी दाखल झाले. अरुंद रस्त्यांमुळे अग्निशमन दलाला आग नियंत्रणात आणताना अनेक अडथळ्यांचा सामना करावा लागत आहे.

अद्यापही ही आग आटोक्यात आली नसून अग्निशमन दलाकडून आगीवर नियंत्रण मिळवण्यासाठी प्रयत्न सुरू आहेत. सुदैवाने या आगीत कोणतीही जीवितहानी झालेली नाही. मात्र, आगीत २५ हून अधिक घरं जळून खाक झाल्याची माहिती आहे.

Edited By - Satish Daud