आयआयटी बॉम्बेमधील विद्यार्थ्याने आत्महत्या केली
हॉस्टेलच्या इमारतीवरून मारली उडी
विद्यार्थ्याच्या आत्महत्येमुळे परिसरात खळबळ उडाली
पोलिसांकडून तपास सुरू
मुंबईतल्या पवईमधील आयआयटी बॉम्बेमध्ये शिक्षण घेणाऱ्या एका विद्यार्थ्याने आत्महत्या केली. हॉस्टेलच्या इमारतीवरून उडी मारून या विद्यार्थ्याने आयुष्य संपवलं. नैराश्येतून या विद्यार्थ्याने आत्महत्या केली असल्याची प्राथमिक माहिती समोर आली आहे. या घनटेमुळे बॉम्बे आयआयटी परिसरात खळबळ उडाली आहे.
मिळालेल्या माहितीनुसार, पवईत आयआयटी बॉम्बेमध्ये धक्कादायक घटना घडली. याठिकाणी शिक्षण घेणाऱ्या तरुणानं नैराश्यातून टोकाचं पाऊल उचललं. या विद्यार्थ्याने हॉस्टेलच्या इमारतीवरून उडी मारली. ही घटना मंगळवारी रात्री घडली. गंभीर जखमी झालेल्या विद्यार्थ्याचा जास्त रक्तस्राव होऊन मृत्यू झाला. शिक्षणाच्या तणावातून त्याने हे टोकाचे पाऊल उचलले.
घटनेची माहिती मिळताच पवई पोलिसांनी घटनास्थळी धाव घेतली. पोलिसांनी विद्यार्थ्याचा मृतदेह ताब्यात घेऊन शवविच्छेदनासाठी रुग्णालयात पाठवला. विद्यार्थ्याच्या कुटुंबींयाना घटनेची माहिती देण्यात आली आहे. या विद्यार्थ्याच्या आत्महत्येमुळे पवई आयआयटी बॉम्बेमध्ये खळबळ उडाली आहे. पोलिस सध्या या आत्महत्या प्रकरणाचा तपास करत आहेत.
या विद्यार्थ्याच्या आत्महत्येनंतर पोलिस सध्या तो हॉस्टेलमधील ज्या खोलीत राहत होता त्या खोलीमध्ये तपासणी करत आहेत. या विद्यार्थ्याचा मोबाईल, लॅपटॉप, त्यांच्या रुममधील वस्तू यांची तपासणी पोलिस करत आहेत. ऑगस्ट २०२५ मध्ये देखील एका विद्यार्थ्याने अशाच पद्धतीने आत्महत्या केली होती. या शिक्षण संस्थेत विद्यार्थी आत्महत्येचे प्रमाण वाढत चालले असल्यामुळे चिंता व्यक्त केली जात आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.