>> निवृत्ती बाबर

मुंबई: मुंबईतील विविध विकास कामांच्या भूमीपूजनासाठी पंतप्रधान नरेंद्र मोदी येत्या 19 जानेवारी रोजी मुंबईत येत आहेत. या पार्श्वभूमीवर शिंदे-फडणवीस सरकार आपलं शक्तीप्रदर्शन करताना दिसत आहे. मुंबई जय्यत तयारी सुरु आहे. मातोश्री निवासस्थानाच्या बाहेर देखील मोठ्या प्रमाणात बॅनरबाजी करण्यात आल्याचं दिसत आहे.

पंतप्रधान नरेंद्र मोदी 17 जानेवारीला मुंबईत येत आहे. मुंबईत मोदींच्या हस्ते अनेक विकासकामांचं उद्घाटन होणार आहे. यासाठी अनेक पोस्टर्स मुंबईतील विविध भागात लावण्यात आले आहे. असेच मोठे मोठे बॅनर्स वांद्रे येथील कलानगर जंक्शन येथील उद्धव ठाकरे यांच्या मातोश्री निवासस्थानाच्या बाहेर देखील लावण्यात आले आहेत.

कलानगर येथील रस्त्यांवर पंतप्रधान नरेंद्र मोदी, शिवसेनाप्रमुख बाळासाहेब ठाकरे ,मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांचे मोठमोठे कटआऊट्स लावण्यात आले आहेत. हे पोस्टर्स मुंबईकरांच लक्ष वेधून घेत आहेत.