Best Bus Fire : मुंबईत बसला आग लागल्याची धक्कादायक घटना समोर आली आहे. मुंबईच्या वांद्रे येथे बेस्ट बसला आग लागल्याची धक्कादायक घटना घडली आहे. सुदैवाने यात कुठलीही दुर्घटना घडली नाही. आगीचं कारण अद्याप अस्पष्ट आहे. अग्निशमन दलाच्या जवानांकडून आगीवर नियंत्रण मिळवण्याचे प्रयत्न सुरू आहे. (Latest Marathi News)

मुंबईत (Mumbai) लोकल ट्रेननंतर बेस्ट बस (Bus) या सार्वजनिक वाहनातून सर्वाधिक प्रवासी प्रवास करत असतात. मुंबईकरांच्या दुसरी जीवनवाहिनी मानल्या जाणाऱ्या बेस्ट बसला आग लागल्याची धक्कादायक घटना घडली आहे.

मुंबईच्या वांद्रे पश्चिम येथील एसव्ही रोड येथे बेस्ट बसला आग लागल्याची घटना घडली. बसला आग लागल्यानंतर प्रवासी नागरिकांमध्ये एकच भीती पसरली. त्यामुळे बसमधील सर्व प्रवासी प्रसंगावधान राखत उतरल्याने मोठा अनर्थ टळला आहे.

बेस्ट बसला आग लागल्याची माहिती मिळताच अग्निशमन दलाचे जवान घटनास्थळी दाखल झाले. घटनास्थळावर अग्निशमन दलाच्या जवानांकडून बसवर पाणी फवारून बसवर नियंत्रण मिळवण्याचे प्रयत्न सुरू आहेत.

या घटनेत सुदैवाने कुठलीही दुर्घटना घडली नाही. बेस्ट बसला आग का लागली, याचे कारण अद्याप अस्पष्ट आहे. बेस्ट बसला अचानक आग लागण्याच्या घटना वाढल्याने बस प्रवाशांमध्ये चिंता वाढली आहे.