मुंबई : मुंबईतून एक धक्कादायक बातमी समोर येत आहे. अभिनेता अनुशील चक्रवर्तीचे अज्ञात व्यक्तीने अपहरण करून बंदुकीच्या धाकावर खंडणी मागितल्याचा प्रकार समोर आला आहे. या प्रकरणी ओशिवरा पोलिस ठाण्यात गुन्हा दाखल करण्यात आला आहे.

मिळालेल्या माहितीनुसार, अनुशील हा 6 जानेवारी रोज रात्री 1 वाजता घाटकोपरच्या इस्टर्न एक्सप्रेस हायवरून जात असताना अज्ञात व्यक्तीने त्याची गाडी अडवली. अज्ञात व्यक्ती बंदुकीच्या धाकावर गाडीत बसला आणि त्याने अनुकूलकडे 20 लाख रुपयांची खंडणी मागितली. (Mumbai Crime News)

या प्रकरणी अनुशीलने ओशिवरा पोलिस ठाण्यात तक्रार दाखल केली आहे. अनुशीलच्या तक्रारीवरुन पोलिसांनी अज्ञात व्यक्ती विरोधात 364 अ, 386,323, 506(2), 34, भादवि 25,3 अंतर्गत गुन्हा दाखल करण्यात आला आहे. या प्रकरणी ओशिवरा पोलिसांनी गुन्हा नोंदवून तो गुन्हा पुढील तपासासाठी घाटकोपर पोलिसांकडे वर्ग केला आहे.