संजय गडदे

Mumabai Crime News : मुंबईतील (Mumbai) वांद्रे पूर्वेकडील निर्मल नगर पोलीस स्टेशनच्या हद्दीतील निवृत्त पोलीस अधिकाऱ्याच्या पत्नीने आत्महत्या केल्याची घटना उघडकीस आली आहे. आत्महत्या केलेल्या निवृत्त महिला पोलीस अधिकारी यांचं नाव वैशाली विलास शेलार आहे. त्या 58 वर्षांच्या होत्या. सदर घटनेने परिसरात खळबळ उडाली आहे.

मिळालेल्या माहितीनुसार, मुंबईतील वांद्रे पूर्वेकडील निर्मल नगर पोलीस स्टेशनच्या हद्दीमध्ये असलेल्या साईकृपा इमारतीमध्ये निवृत्त अधिकारी राहत आहेत. त्या मृत महिलेचे पती हे निवृत्त पोलीस अधिकारी आहेत. तसेच त्या महिला या घरात एकट्याच राहत होत्या. कोणताही संशयास्पद प्रकार नाही. शवविच्छेदनानंतर त्या महिलेच्या मृत्यूचे कारण समोर येईल.

निवृत्त पोलीस अधिकारी यांच्या पत्नी या देखील निवृत्त पोलीस अधिकारी आहेत. त्यांनी आत्महत्या केल्यानंतर त्यांचा मृतदेह घरातच होता. सदर निवृत्त पोलीस अधिकारी यांच्या घरातून दुर्गंध येत असल्याने शेजारच्या लोकांनी याबाबत पोलिसांना कळविले. त्यानंतर पोलीस घटनास्थळी तातडीने दाखल झाले. त्यावेळी घरात पोलिसांना निवृत्त महिला पोलीस अधिकारी वैशाली यांचा मृतदेह दिसला.

पोलिसांनी घटनास्थळावरून मृतदेह ताब्यात घेऊन शवविच्छेदनासाठी रुग्णालयात नेला. निवृत्त महिला पोलीस अधिकारी वैशाली यांची हत्या की आत्महत्या हे शवविच्छेदनातून समोर येईल, असे पोलिसांकडून सांगण्यात येत आहे.