मुंबई: सीएसएमटी स्थानकात रेल्वे (Train) रुळावरुन घसरली आहे. त्यामुळे नवी मुंबई (Mumbai)- हार्बर रेल्वे सेवा विस्कळीत झाली आहे. प्लॅटफॉर्म १ वरील रेल्वे एकाबाजूला आली आहे. या घटनेत कोणतीही दुर्घटना झालेली नाही, असं रेल्वेकडून सांगण्यात आले आहे. पनवेलला जाणाऱ्या रेल्वेतील एक गाडी पटरीवरुन घसरली आहे. त्यामुळे हार्बर मार्गावरील काही रेल्वेगाड्या रद्द करण्यात आल्या आहेत.

सीएसएमटी (CSMT) ते वाशी दरम्यान रेल्वे सेवा ठप्प झाली आहे. वाशी ते पनवेल मार्गावर फक्त रेल्वे सेवा सुरू आहे. नवी मुंबईला जाणाऱ्या प्रवासी आहेत त्यांनी मेन लाईनचा वापर करुन शकतात. लवकरात लवकर वाहतूक सेवा पुन्हा सुरळीत करण्याचे प्रयत्न सुरू आहेत. (Mumbai Local Train Latest News)

मेन लाईनची वाहतूक सुरळीत सुरू आहे. नवी मुंबईला जाणारे प्रवासी या मार्गाचा वापर करु शकतात. हार्बर मार्गावरची वाहतूक पूर्णपणे बंद नाही. दुसऱ्या प्लॅटफॉर्मवरील वाहतूक सुरु आहे. काहीवेळानंतर या मार्गावरील वाहतूक सुरू करण्यात येणार आहे, असं लोकल रेल्वेकडून सांगण्यात आले आहे.