मध्य रेल्वे मार्गावरील टिटवाळा आणि वासिंद स्थानकांदरम्यान विशेष वाहतूक आणि पॉवर ब्लॉक घेण्यात आला येणार आहे. दिनांक २३/२४.०४.२०२६ रोजी च्या मध्यरात्री हा ब्लॉक घेण्यात येणार आहे. १५ डब्यांच्या रेकच्या उभारणीसाठीच्या कामाकरिता हा ब्लॉक घेण्यात येणार आहे.

टिटवाळा आणि खडवली स्थानकांवरील नवीन पॉईंट्सचे ओएचई (OHE) चालवण्यासाठी आणि अतिक्रमण हटवण्याचे काम करण्यासाठी ब्लॉक घेण्यात येणार आहे. दिनांक २३/२४.०४.२०२६ रोजीच्या मध्यरात्री टिटवाळा आणि वासिंद स्थानकांदरम्यान विशेष वाहतूक आणि पॉवर ब्लॉक परीचालीत करण्यात येणार आहे.

ब्लॉकची तारीख: दिनांक २३/२४.०४.२०२६ (गुरुवार/शुक्रवारची रात्र)

ब्लॉकचा कालावधी: दिनांक २४.०४.२०२६ रोजी ०२.१० ते ०३.२५.

ब्लॉक विभाग: अप आणि डाउन मार्गावर टिटवाळा (सहित) ते वासिंद (वगळून).

ब्लॉकमुळे होणारे परिणाम खालीलप्रमाणे असतील:

दिनांक २४.०४.२०२६ रोजी पहाटे ०२.२७ ते ०३.२५ वाजेपर्यंत खालील गाड्यांचे नियमन केले जाईल.

• गाडी क्रमांक 12102 शालीमार - लोकमान्य टिळक टर्मिनस ज्ञानेश्वरी एक्सप्रेस वासिंद येथे नियमित केली जाईल.

* गाडी क्रमांक 18030 शालीमार - लोकमान्य टिळक टर्मिनस एक्सप्रेस आसनगाव येथे नियमित केली जाईल.

* गाडी क्रमांक 12810 हावडा - छत्रपती शिवाजी महाराज टर्मिनस एक्सप्रेस आटगाव येथे नियमित केली जाईल.

* गाडी क्रमांक 12132 साईनगर शिर्डी - दादर एक्सप्रेस खर्डी येथे नियमित केली जाईल.

* गाडी क्रमांक 20104 भटणी - लोकमान्य टिळक टर्मिनस एक्सप्रेस कसारा येथे नियमित केली जाईल.

* गाडी क्रमांक 01026 बलिया - दादर एक्सप्रेस इगतपुरी येथे योग्य वेळी नियमित केली जाईल.

पायाभूत सुविधांची देखभाल आणि सुरक्षिततेसाठी हे देखभाल ब्लॉक आवश्यक आहेत. यामुळे होणाऱ्या गैरसोयीबद्दल रेल्वे प्रशासन दिलगीर असल्याचं रेल्वे प्रवक्त्यांनी आपल्या निवदेन पत्रकात म्हटलंय.