मुंबई : देशासह राज्यावरील कोरोना महामारीचे सावट अद्यापही बाकी असल्याने, साथरोग नियमांची अंमलबजावणी राज्यात सुरुच आहे. कोरोना काळात मंदिर उघडण्यासंदर्भात मोठ्या प्रमाणावर आंदोलने विरोधी पक्षांकडून करण्यात आल्यानंतर, अखेरीस मुख्यमंत्री उद्धव ठाकरे यांनी राज्यातील सर्वधर्मीय प्रार्थनास्थळे उडण्याचा निर्णय जाहीर केला.

हे देखील पहा :

परंतु, राज्यातील कोरोना विषाणूचा प्रादुर्भाव पूर्णपणाने संपला नसून, अजूनही कमी प्रमाणात का होईना पण, कोरोनाचे रुग्ण आढळून येत आहेत. याच अनुषंगाने मुंबई महानगरपालिकेकडून कोरोना महामारीच्या पार्श्वभूमीवर प्रार्थनास्थळांकरता सुधारित मार्गदर्शक तत्वे जारी करण्यात आली आहेत.

बृहन्मुंबई महापालिका क्षेत्रातील सर्व प्रार्थस्थळांमध्ये, तेथील क्षमतेच्या ५० टक्के प्रमाणात भाविकांना उपस्थित राहता येणार आहे. सोशल डिस्टंसींगचे पालन, मास्क आणि सॅनिटायझरचा वापर तसेच कोरोना नियमांचे काटेकोरपणे पालन करण्याचे आदेश महापालिकेने दिले आहेत. नियमांची पायमल्ली करणाऱ्या विरुद्ध साथरोग नियम, आपत्ती व्यवस्थापन कायद्यान्वये कारवाई करण्यात येणार आहे.

Edited By : Krushnarav Sathe