Fire Breaks Out Juhu Residency Hotel:

मुंबईतील जुहू परिसरात एका हॉटेलला आग लागल्याची घटना समोर आलीये. जुहू रेसिडेन्सी असं हॉटेलचं नाव असून हॉटेलच्या टॅरेसवर आग लागली आहे. घटनेची माहिती मिळताच अग्निशमन दलाची वाहने घटनास्थळी दाखल झाली.  ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

मिळालेल्या अधिक माहितीनुसार,५ वाजण्याच्या सुमारास हॉटेलमधील टॅरेसवर आगीने पेट घेतला. ही आग इतकी भीषण होती की, धूराचे लोट हवेत दूरवर पसरले होते. सुदैवाने या आगीत कोणतीही जीवितहानी झालेली नाही.

आगीची माहिती मिळताच अग्निशमन दलाच्या चार गाड्या घटनास्थळावर दाखल झाल्या. अग्निशमनदालासोबतच आदानी इलेक्ट्रिसिटी कर्मचारी देखील घटनास्थळावर दाखल झाले होते. अदानी इलेक्ट्रिसिटीकडून हॉटेलचा वीजपुरवठा तातडने खंडित करण्यात आला.

सदर घटनेत आग विझवण्यात आता अग्निशमन दलाला यश आलं आहे. अग्निशमन दलाकडून सध्या कुलिंग ऑपरेशनचे काम सुरू आहे. मुंबईतील आगीच्या घटनांचे प्रमाण दिवसेंदिवस वाढतच चालले आहे. अनेक ठिकाणी आगीच्या मोठ्या घटना समोर येतायत. रविवारी पुण्यात देखील आगीची मोठी घटना घडली होती.

सवाई गंधर्व महोत्सवात आग लागली होती. यामुळे कार्यक्रमात प्रेक्षकांची मोठी तारांबळ उडाली. कार्यक्रमाच्या मंडपाच्या मागील बाजूस फोटोगॅलरी असलेल्या ठिकाणी शॉर्ट सर्किटमुळे ही आग लागली होती. कार्यक्रम सुरु असताना आग लागल्यानं कार्यक्रमात प्रेक्षकांची चांगलीच तारांबळ उडाली. मागे बसलेल्या प्रेक्षकांनी मंडपाच्या बाहेर देखील धाव घेतली. घटनेची माहिती मिळताच अग्निशमन दलाने तातडीने आगीवर नियंत्रण मिळवले.