सचिन गाड

Mumbai Crime News: मुंबईच्या धारावी परिसरातून एक धक्कादायक बातमी समोर आली आहे. एका २० वर्षीय तरुणाला जिवंत जाळण्याचा प्रयत्न करण्यात आला आहे. पीडितेवर पेट्रोल ओतून तिला जाळण्याचा प्रयत्न झालाय. यात तरुणी ६०% ते ७०% भाजली आहे. (Crime News)

मिळालेल्या माहितीनुसार, पीडितेला जिवंत जाळण्याचा प्रयत्न तिच्या लिव्ह-इन पार्टनरने केला आहे. यात तरुणी ७० टक्के भाजल्याने तिला सायन रुग्णालयात दाखल करण्यात आलं आहे. या धक्कादायक घटनेनं संपूर्ण धारावी (Dharavi) हादरून गेली आहे.

पोलिसांनी दिलेल्या माहितीनुसार, नंदकिशोर पटेल (वय ४१) असं आरोपीचं नाव आहे. आरोपीवर भा दं वि ३०७ (हत्येचा प्रयत्न) कलम दाखल करत अटक केली आहे. या प्रकरणी १६ वर्षीय मुलाला देखील ताब्यात घेतले आहे.

काही दिवसांपूर्वी दिल्लीतही (Delhi) अशीच एक क्रूर घटना घडाली होती. या घटनेचा धक्कादायक व्हिडिओ देखील सोशल मीडियावर व्हायरल झाला. यावेळी एका १६ वर्षीय चिमुकलीवर भररस्त्यात वार करण्यात आले. त्यानंतर नराधमाने तिच्या डोक्यात दगडही घातला. ही संपूर्ण घटना घडली तेव्हा रस्त्यावर बघ्यांची गर्दीही जमली होती. मात्र कोणीही पीडितेच्या मदतीसाठी पुढे आले नाही. या हृदयद्रावक घटनेत तरुणीचा मृत्यू झाला आहे.