Mumbai News: राज्यात सर्वत्र महिलांच्या सुरक्षिततेचा प्रश्न उपस्थित राहिला आहे. महिलांवर अन्याय अत्याचाराच्या भयंकर घटना सातत्याने समोर येत आहेत. काल पुण्यात एकतर्फी प्रेमातून तरुणीवर कोयता हल्ला झाल्याची घटना ताजी असतानाच आज पुन्हा एकदा एका चाकू हल्ल्याची भयंकर घटना समोर आली आहे. यात एका महिलेचा दुर्दैवी मृत्यू झालाय. (Latets Marathi News)

नेमकं काय घडलं?

मिळालेल्या माहितीनुसार, मुंबईच्या (Mumbai) देवनार परिसरात ही धक्कादायक घटना घडली आहे. या घटनेत एका व्यक्तीने दोन महिलांवरती क्रूरतेने चाकू हल्ला केलाय. या हल्ल्यात एका महिलेचा मृत्यू झाला असून दुसरी महिला गंभीर जखमी झाली आहे. हल्ल्यात काजल भोसले या महिलेचा मृत्यू झाला असून वैशाली पवार ही महिला जखमी आहे. यांच्यातल्या भांडणाचं कारण अद्याप समजू शकले नसून याप्रकरणी देवनार पोलिसांनी दोन आरोपींना ताब्यात घेतलं आहे.

लग्न करण्यास नकार दिल्याने महिलेकडून तरुणाचे अपहरण

प्रेम प्रकरणातून मन दुखावल्यावर तरुण तरुणी कसलाही विचार न करता मोठी पाऊले उचलत आहेत. पुण्यातील कालची घटना ताजी असतानाच एका महिलेने तरुणाचे अपहरण केल्याची धक्कादायक घटना घडलीये.

लग्न (Marriage) करण्यास नकार दिल्यामुळे महिलेने चक्क तरुणाचे अपहरण केल्याची घटना उघडकीस आली आहे. तरुणाने लग्नास नकार दिल्याने या महिलेने २ जणांना सुपारी देत तरुणाचे अपहरण केले. पुण्यातील कोंढवे धावडे परिसरात ही घटना घडली आहे. या प्रकरणी एका महिलेसह प्रथमेश यादव, अक्षय कोळी यांना अटक करण्यात आली आहे.