मुंबईतून एक धक्कादायक घटना उघडकीस आली आहे. एका अल्पवयीन मुलीवर ५ नराधमांनी मिळून सामूहिक अत्याचार केला आहे. नराधमांनी आधी मुलीचे अश्लील व्हिडिओ चित्रीत केले. नंतर तिला ब्लॅकमेल करून अत्याचार केला. धक्कादायक बाब म्हणजे अत्याचार करणारे पाचही नराधम अल्पवयीन असल्याची माहिती आहे. या प्रकरणी मुलीच्या आईनं पोलीस ठाण्यात तक्रार दाखल केली. पोलिसांनी तक्रारीनुसार, गुन्हा नोंदवून आरोपींना अटक केली आहे.

ही संतापजनक घटना दक्षिण मुंबईतील काळाचौकी परिसरात घडली आहे. प्राथमिक माहितीनुसार, नराधमांनी आधी अल्पवयीन मुलीचे अश्लील व्हिडिओ शूट केले. नंतर तिला आक्षेपार्ह स्थितीतील व्हिडिओ दाखवून ब्लॅकमेल करण्यात आलं. नराधमांनी केलेल्या ब्लॅकमेलिंगला तरूणी बळी पडली. तिच्या पाच जणांनी मिळून लैंगिक शोषण केलं.

मिळालेल्या माहितीनुसार, पाचही मुले अल्पवयीन असल्याची माहिती आहे. गेल्या काही दिवसांपासून तरूणीवर अत्याचार सुरू होता. सततच्या अत्याचाराला कंटाळून तरूणीनं तिच्या पालकांना आपबिती सांगण्याचा निर्णय घेतला. पीडितेनं कुटुंबियांना याबाबत माहिती दिली. पीडित मुलीच्या आईनं थेट पोलीस ठाणे गाठले. तसेच नराधमांविरोधात तक्रार दाखल केली.

पोलिसांनी तक्रारीनुसार, गुन्हा नोंदवून तपास करीत आरोपींना ताब्यात घेतलं आहे. ही पाच मुले नेमकी कोण आहेत? यासंदर्भातील माहिती अद्याप समोर आलेली नाही. सध्या पोलिसांकडून अधिक तपास सुरू आहे. या घटनेनंतर काळाचौकी परिसरात खळबळ उडाली असून, स्थानिकांमध्ये संतापाची लाट उसळली आहे.