मुंबई आणि उपनगरात CNGचा तुटवडा निर्माण
प्रवाशांना जादा भाडे देवून प्रवास करावा लागला.
लवकरच पुरवठा सुरळीत करण्यात येण्याची माहिती देण्यात आलीय.
मुंबई शहर आणि उपनगरात कालपासून सीएनजीचा तुटवडा निर्माण झालाय. सीएनजी मिळत नसल्यानं रिक्षा आणि टॅक्सी आणि इतर सीएनजीचा वापर वाहनधारकांना त्रस्त झाले होते. वाहनांना सीएनजी गॅस मिळत नसल्यानं अनेक वाहने थांबवून होती. अनेक पंपावर रिक्षा चालक अडकून पडले होते. तर अनेक गॅस स्टेशनवर वाहनांचा लांबच लांब रांगा लागल्या होत्या. गॅस नसल्यानं रस्त्यांवर वाहने कमी धावत होती, याचा परिणाम प्रवाशांवर झाला. त्यांना अधिक भाडे देत प्रवास करावा लागला.
ट्रॉम्बे येथील आरसीएफ परिसरात गेलच्या मुख्य गॅस पुरवठा पाइपलाइनला तृतीय पक्षाकडून नुकसान झाल्यामुळे, वडाळा येथील एमजीएलच्या सिटी गेट स्टेशन (सीजीएस) मधील गॅस पुरवठा कालपासून प्रभावित झाला आहे. स्थानिक पेट्रोल पंप असोसिएशनच्या प्रतिनिधीने दिलेल्या माहितीनुसार, मुंबईत गॅस दाब कमी असल्याने रविवारपासून अनेक सीएनजी पंप बंद आहेत.
ओला आणि उबर सारख्या अॅप-आधारित टॅक्सी सेवा तसेच इतर नियमित टॅक्सी आणि ऑटोरिक्षा शहरात कार्यरत आहेत. एका वृत्तानुसार, गॅस पुरवठ्यात व्यत्यय आल्यामुळे रस्त्यावर प्रवाशी वाहनांची संख्या कमी होती. त्यामुळे ओला आणि उबरने टॅक्सीचे भाडे वाढवले आहे.
आता सीएनजी गॅसबाबत नवी अपडेट समोर आलीय. मुंबईसह उपनगरातील १६९ गॅस स्टेशनवर सीएनजीचा तुटवडा निर्माण झालाय. एमजीएल त्यांच्या घरगुती पीएनजी ग्राहकांना कोणत्याही व्यत्ययाशिवाय प्राधान्याने पुरवठा चालू आहे. तर सीजीएस वडाळा येथील गॅस पुरवठा थांबल्यामुळे आणि त्यामुळे एमजीएल पाइपलाइन नेटवर्कमुळे, मुंबई, ठाणे आणि नवी मुंबईतील काही सीएनजी स्टेशन्स कार्यरत नाहीत.
सध्या, एमजीएलच्या एकूण ३८९ सीएनजी स्टेशन्सपैकी २२५ सीएनजी स्टेशन्स कार्यरत आहेत. नुकसान दुरुस्त झाल्यानंतर आणि सीजीएस वडाळा येथे पुरवठा पूर्ववत झाल्यानंतर एमजीएलच्या नेटवर्कमधील गॅस पुरवठा सामान्य होईल. दुरुस्तीचे काम प्रगतीपथावर आहे. उद्या म्हणजे १८ नोव्हेंबर २०२५ दुपारपर्यंत गॅस पुरवठा पूर्ववत होण्याची अपेक्षा आहे.
पेट्रोल विक्रेता असोसिएशन (मुंबई) चे अध्यक्ष चेतन मोदी यांनी पीटीआयला सांगितले की, मुंबईत १३० ते १४० सीएनजी पंप आहेत. यामध्ये एमजीएलच्या पंपांचा समावेश आहे. मुंबईतील अनेक सीएनजी पंप सकाळपासून गॅस पुरवठ्याच्या कमी दाबामुळे बंद आहेत. दरम्यान सीएनजीचा पुरवठा सामान्य करण्यासाठी युद्धपातळीवर काम सुरू असल्याची माहिती आपल्याला एमजीएल अधिकाऱ्यांनी दिल्याचं चेतन मोदी म्हणालेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.