Navi Mumbai International Airport News Saam TV
मुंबई/पुणे

नवी मुंबई: विमानतळाला दि.बा.पाटील यांचे नाव देण्यासाठी पुन्हा आंदोलन

मोदी पुन्हा निवडुन येणार म्हणताच, काँग्रेस नेत्याने रागाने सोडले आसन, सर्वपक्षीय बैठकीत पक्षीय राजकारण.

प्रदीप भणगे

डोंबिवली : लोकनेते स्व.दि.बा.पाटील (D.B.Patil) यांचे नवी मुंबई (Navi Mumbai) आंतरराष्ट्रीय विमानतळाला नाव देण्यासाठी सर्वपक्षीय कृती समिती बैठक पार पडली. यावेळी २४ जून रोजी पुन्हा मोठे आंदोलन केले जाईल असे सांगण्यात आलं आहे. मात्र, यावेळी भाजपाचे माजी मंत्री जगन्नाथ पाटील यांनी आपले मनोगत मांडताना २०२४ साली मोदी (Narendra Modi) पुन्हा निवडून येतील असं विधान केलं. (Navi Mumbai International Airport)

पाटील यांनी मोदींच्या विजयाचा उल्लेख करताच काँग्रेसचे नेते संतोष केणे यांनी संताप वक्त करत तिथून निघून जाण्याचा प्रयत्न केल्यामुळे बैठकीत एकच गोधळ उडाला,अखेर इतरांनी हस्तक्षेप केल्यावर केणे हे पुन्हा आपल्या जागेवर बसले. त्यामुळे सर्वपक्षीय बैठकीत पक्षीय भूमिका असल्याचं देखील समोर आलं आहे.

हे देखील पाहा -

डोंबिवली (Dombivli) येथील प्रगती महाविद्यालयात पदाधिकाऱ्यांची बैठक शनिवारी आयोजित केली होती. या बैठकीत भाजपा नेते माजी मंत्री जगन्नाथ पाटील यांनी २०२४ मध्ये मोदी पुन्हा पंतप्रधान होणार, मोदी सरकारच निवडून येणार असे विधान केल्यामुळे बैठकीला उपस्थित असलेले काँग्रेस प्रदेश नेते संतोष केणे यांचा पारा चढला आणि त्यांनी बैठक कसली आणि विधान कसली करता, असा प्रश्न उपस्थित केला आणि आपले आसन सोडले.

या सर्व प्रकारामुळे बैठकीत काही काळ तणावाचे वातावरण निर्माण झाले. काही वेळ सभेत गोंधळही निर्माण झाला. इतर नेत्यांनी केणे यांना शांत करून त्यांची मनधरणी करून पुन्हा आसनस्थ केलं.

दरम्यान, भाजप (BJP) नेते पाटील यांनी नंतर शांततेची भूमिका घेऊन या विषयावर पडदा टाकला. या बैठकीला लोकनेते दि. बा. पाटील आंतरराष्ट्रीय विमानतळ सर्व पक्षीय कृती समितीचे अध्यक्ष दशरथ पाटील, संघर्ष समितीचे गुलाब वझे, १४ गाव सर्व पक्षीय विकास समितीचे लक्ष्मण पाटील आणि भूमिपुत्र उपस्थित होते.

काय म्हणाले संतोष केणे?

केणे म्हणाले, 'आपण दि. बा. पाटील यांच्या स्मृती दिन बैठकीसाठी जमलो आहोत. बैठकीत सामाजिक आणि स्मृती दिन विषयावर चर्चा करण्याऐवजी पाटील यांनी राजकारण आणण्याची गरज नव्हती. शिवाय कोण निवडून येईल हे लोक ठरवतील असं केणे म्हणाले.

Edited By - Jagdish Patil

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Alibag Fishing Boat Capsizes: समुद्रात मच्छीमार बोट बुडाली; 5 खलाशांनी 9 तास पोहून गाठला किनारा, 3 जण बेपत्ता

Amravati Accident: चिखलदरा पर्यटन स्थळावर मोठा अपघात; ६०० फूट खोल दरीत कोसळली कार

Mahayuti Phone Taping: महायुतीच्या मंत्र्यांचेच फोन टॅप? रोहित पवारांच्या दाव्याने खळबळ

UPI Payment: फुकट UPI व्यवहार बंद होणार? प्रत्येक व्यवहारावर पैसे मोजावे लागणार?

PM Kisan: कधी मिळणार PM किसानचा हप्ता? 20 व्या हप्त्याची प्रतिक्षा कायम, कोणाला नाही मिळणार पैसा?

SCROLL FOR NEXT