Thane tanker ban Latest news:

ठाणे जिल्ह्यातील डोंबिवली, अंबरनाथ,बदलापुरात टँकर वाहतुकीला बंद घालण्यात आली आहे. टँकर वाहतूक बंदी ही १० नोव्हेंबर २०२३ ते ८ जानेवारी २०२३ पर्यंत राहणार आहे. या भागात येत्या १० नोव्हेंबरपासून सायंकाळी ६ वाजेपासून ते सकाळी ६ वाजेपर्यंत टँकर वाहतुकीला बंदी राहणार आहे. (Latest Marathi News)

टँकर वाहतुकीला बंदी घालण्यासाठी राज्य सरकारच्या प्रशासकीय अधिकाऱ्यांची बैठक झाली. या बैठकीत डोंबिवली, अंबरनाथ, बदलापूर या भागात औद्योगिक क्षेत्रामध्ये संध्याकाळी सहा वाजेपासून ते सकाळी ६ वाजेपर्यंत बंदी घालण्याचा निर्णय घेण्यात आला आहे.  ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

10 नोव्हेंबरपासून सायंकाळी सहा वाजेपासून ते सकाळी ६ वाजेदरम्यान टँकरमधून धोकादायक केमिकल वाहून नेऊन ते रात्रीच्या वेळी नदीच्या पात्रात सोडले जातात. त्यामुळे नदीचे पाणी प्रदुषित होते.

या प्रदुषित नदीच्या पाण्यामुळे लोकांच्या आरोग्यावर परिणाम होतो. यामुळे फौजदारी प्रक्रिया संहिता कलम १४४ अन्वये डोंबिवली, अंबरनाथ, अतिरिक्त अंबरनाथ आणि बदलापूर औद्योगिक क्षेत्रामध्ये सर्व प्रकारचे टँकरवर बंदी घालण्यात आली आहे.

पोलीस उप आयुक्त डॉ. श्रीकांत परोपकारी यांनी दिलेल्या माहितीनुसार, ठाणे शहर पोलीस आयुक्तालयाचे कार्यक्षेत्रात फौजदारी प्रक्रिया संहिता कलम १४४ अन्वये डोंबिवली, अंबरनाथ, अतिरिक्त अंबरनाथ व बदलापूर औद्योगिक क्षेत्रामध्ये सांयकाळी ६ ते सकाळी ६ वाजेपर्यंत सर्व प्रकारचे टँकर वाहतूकीला बंदी घालण्यात येत आहे.