पुणे : पुण्यातील फर्ग्युसन महाविद्यालय हे शैक्षणिक वारश्यामुळे ओळखले जाते. गेल्या दोन एक वर्षांपासून काही दिवस सोडले तर कोव्हिडच्या कारणामुळे महाविद्यालये बंदच आहे. मात्र तरीही फर्ग्युसन मैदान ते फर्ग्युसन टेकडी परिसरात एका महिन्यात तब्बल आठशेहुन अधिक दारुच्या बाटल्या सापडल्याची धक्कादायक आकडेवारी समोर आलीये. ही माहिती पुणे प्लॉग्गेर्स संस्थेने दिली आहे (More than 800 bottles of liquor were found in the Fergusson college area in one month).

2021 डिसेंबर महिन्यामध्ये 500 बाटल्या आणि जानेवारी 2022 मध्ये तब्बल 350 बाटल्या सापडल्या आहे. या सर्व बाटल्या फर्ग्युसन महाविद्यालयाच्या (Fergusson College) आवारातील आहेत. बाटल्यांसह प्लास्टिक कचरा (Plastic Waste) देखील 250 किलो जमा करण्यात आला आहे.

ग्राउंड ते फर्ग्युसन टेकडी परिसरात एका महिन्यात या बाटल्या (Liquor Bottle) सापडल्या आहेत. पुणे प्लॉग्गेर्स नावाची संस्था 2019 पासून शहरातील कचरा साफ करण्याची मोहीम दर शनिवार आणि रविवारी राबवत आहेत.

पुण्यातील (Pune) नदीकाठी, प्रमुख रस्ते, गर्दीचे ठिकाण, महाविद्यालय अशा सर्व ठिकाणचे साफ सफाईचे काम करीत आहेत. या संस्थेमध्ये साठहून अधिक तरुण, लहान मुले आणि वयोवृद्ध आहेत. हा कचरा महापालिकेच्या कर्मचाऱ्यांना दिला जातो.

Edited By - Nupur Uppal