मुंबई: मुंबईतील माटुंगा पूर्वेकडील डॉ. भाऊ दाजी लाड मार्गावर साईसिद्धी इमारतीमध्ये मॉकड्रील दरम्यान विचित्र अपघात (Accident) होऊन जखमी झालेल्या अग्निशमन (Firefighting) जवानाची मृत्युशी झुंज अखेर अपयशी ठरली आहे. त्यांच्यावर ६ दिवसांपासून रुग्णालयात (hospital) उपचार सुरू होते. उपचार सुरू असतानाच त्यांची प्राणज्योत मालवली आहे. अग्निशमन दलाकडून माटुंगा (Matunga) येथील साई सिद्धी या इमारतीत (building) मॉकड्रील सुरू असताना झालेल्या अपघातात अग्निशमन दलाचे सदाशिव धोंडिबा कर्वे, चंचल भीमराव पगारे आणि निवृत्ती सखाराम इंगवले हे तिघेजण जखमी झाले होते. (Mockdrill Accident Failed fight the death of an injured firefighter)

हे देखील पहा-

यावेळी त्यांना तातडीने नजीकच्या सायन रुग्णालयात (hospital) उपचाराकरिता दाखल करण्यात आले होते. नंतर त्यांच्यावर ६ दिवसांपासून शीव रुग्णालयात उपचार सुरू होते. कर्वे यांच्या पायाला गंभीर दुखापत झाली होती. उपचारा दरम्यान शस्त्रक्रिया (Surgery) करावी लागली होती. मात्र, उपचार दरम्यान आज अग्निशमन दलाचे सदाशिव धोंडिबा कर्वे यांचे निधन झाले आहे. सदाशिव धोंडीबा कर्वे (वय- ५५) वडाळा येथील अग्निशमन केंद्रात यंत्रसंचालक होते.

कार्वे यांच्या पश्चात पत्नी आणि २ मुले असे कुटुंब आहे. मुंबईतील (Mumbai) अग्निशमन विभागाच्या मुख्यालयात (headquarters) शुक्रवारी सकाळी त्यांना मानवंदना देण्यात आली आहे. त्यांच्यावर सातारा (Satara) येथील मूळगावी अंत्यसंस्कार करण्यात येणार असल्याची माहितीही अधिकाऱ्यांकडून देण्यात आली आहे.

Edited By- Digambar Jadhav