संजय गडदे

Mumbai News :

दुकान व आस्थापणांना मराठी भाषेतील नाम फलक लावण्याकारिता उच्च न्यायालयाने 25 नोव्हेंबरची मुदत दिली होती. ही मुदत संपल्यानंतर संपूर्ण महाराष्ट्रात मराठी नामफलकासाठी मनसे आक्रमक झाली आहे.

अंधेरी पश्चिमेकडील मनसे उपविभाग अध्यक्ष किशोर राणे आणि त्यांच्या सहकाऱ्यांनी अंधेरी मार्केटमधील दुकानदार आणि व्यावसायिकांना दुकानाच्या दर्शनी भागात ठळक अक्षरात मराठी भाषेतील फलक लावण्याचं आवाहन केलं आहे. काही दुकानदारांना मराठी भाषेतील नाम फलक असलेले बॅनर देखील देण्यात आले.

जर दोन दिवसात दुकानाचे नामफलक मराठीत झाले नाहीत, तर मनसे स्टाईलने खळखट्याक करण्याचा इशारा देखील यावेळी मनसे उपविभाग अध्यक्ष किशोर राणे यांनी दिला आहे.