Summary -

• म्हाडा लॉटरी २०२५ अंतर्गत पुण्यात स्वस्त दरात घर खरेदीची संधी

• पुण्यात स्वस्त किमतीत तुम्हाला हक्काचे घर खरेदी करण्याची सुवर्णसंधी

• हिंजवडी आणि वाकड परिसरात २ आणि ३ बीएचके घरं करा खरेदी

• या घरांच्या किमती फक्त २८ लाखांपासून सुरू होतात

• अर्ज करण्याची प्रक्रिया सुरू असून शेवटची तारीख २० नोव्हेंबर २०२५ आहे

पुणेकरांसाठी गुड न्यूज आहे. पुणेकरांच्या हक्काच्या घराचे स्वप्न पूर्ण होणार आहे. स्वस्तामध्ये घर खरेदी करण्यासाठी प्रयत्न करणाऱ्यांना आता पुणे शहरामध्येच घर विकत घेता येणार आहे. कारण महाराष्ट्र गृहनिर्माण व क्षेत्रविकास प्राधिकरण म्हणजेच म्हाडाने मध्यवर्गीयांसाठी एक विशेष गृहयोजना जाहीर केली आहे. या योजनेअंतर्गत पुणेकरांना पुणे शहरात स्वस्त दरात घर खरेदी करता येणार आहे.

म्हाडाची ही घरं पुण्यातील वाकड आणि हिंजवडी परिसरात आहे. पुण्यातील आयटी हब म्हणून ओळखल्या जाणाऱ्या हिंजवडी आणि वाकड परिसरात अतिशय स्वस्त किमतीत तुम्हाला घर खरेदी करता येणार आहे. यश्विन अर्बो सेंट्रो या खासगी गृहनिर्माण प्रोजेक्टअंतर्गत ही घरे असणार आहेत. टू बीएचके आणि ३ बीएचके फ्लॅट्स तुम्हाला खरेदी करता येतील. या फ्लॅट्सचा एरिया ५०० ते ६०० स्क्वेअर फूट इतका असणार आहे.

महत्वाचे म्हणजे म्हाडाच्या या घरांसाठी अर्ज करण्याची प्रक्रिया सुरू झाली असून २० नोब्हेंबर ही अर्ज करण्याची अंतिम तारीख आहे. २० नोव्हेंबरला रात्री ११.५९ वाजेपर्यंत तुम्ही अर्ज करू शकता. वाकड आणि हिंजवडीमधील या घरांच्या किमती अंदाजे ८० ते ९० लाखांच्या आसपास आहेत. पण म्हाडाच्या या योजनेअंतर्गत ही घरं तुम्हाला २८.४२ ते २८.७४ लाखांमध्ये मिळणार आहेत.

अर्ज करण्यासाठी तुम्हाला म्हाडाची अधिकृत वेबसाईट https://lottery.mhada.gov.in ला भेट द्यावी लागेल. या वेबसाईटवर तुम्ही Pune Board Lottery 2025 यावर क्लिक करा. याठिकाणी तुम्हाला अर्ज दिसेल तो अर्ज तुम्ही व्यवस्थित भरा. आवश्यक ते सर्व कागदपत्र जोडा. ही अर्ज भरण्याची प्रक्रिया तुम्हाला २० नोव्हेंबरपर्यंत करता येणार आहे. आता फक्त १६ दिवस शिल्लक राहिले आहे त्यामुळे लवकर अर्ज करा.