संजय गडदे, साम टीव्ही, मुंबई

MHADA Lottery : म्हाडाच्या घराच्या किंमतीमध्ये मोठ्या प्रमाणात कपात केली जाणार आहे. गृहनिर्माण मंत्री अतुल सावे यांनी म्हडाच्या घराच्या किंमतीमध्ये कपात करणार असल्याची घोषणा केली. काही दिवसांपूर्वी मुंबईतील म्हाडा घराची लॉटरी (mhada house in mumbai) जाहीर करण्यात आली होती. घराच्या किंमती प्रंचड असल्यामुळे म्हाडाच्या घराकडे पाठ फिरवली होती. त्यामुळे सरकारकडून घराच्या किंमतीमध्ये १० ते २५ टक्के कपात करण्याचा निर्णय घेण्यात आला. मंत्री अतुल सावे (atul save) यांनी मुंबईत याबाबतची घोषणा केली.

म्हाडाच्या घरांच्या किंमती १० ते १५ टक्क्यांनी कमी होतील, असे अतुल सावे यांनी सांगितले. विविध पुनर्वसन प्रकल्प अंतर्गत विकासकांकडून म्हाडाला मिळालेल्या घरांच्या किमती कमी होणार आहेत. मुंबई म्हाडा लॉटरी 2024 मध्ये देखील याचा लाभ मिळणार आहे.

कोणत्या घराच्या किंमती किती कमी होणार ?

33(5) आणि 33(7) अंतर्गत करण्यात आलेल्या योजनातील घरे विकासकांकडून म्हाडाला मिळालेली आहेत. या घरांच्या किमती कमी होणार आहेत.

उच्च उत्पन्न गटासाठी 10 टक्के कमी

मध्यम गटासाठी 15 टक्के

अल्प गटासाठी 20 टक्के

आणि अत्यल्प गटासाठी असलेल्या घरांच्या किमती 25 टक्क्यांनी कमी होणार