Badlapur Kharwai MIDC Blast

बदलापूर शहरातील खरवई एमआयडीसी परिसरातील एका कंपनीत गुरुवारी पहाटेच्या सुमारास भीषण स्फोट झाला. या स्फोटात ४ ते ५ कामगार जखमी झाल्याची प्राथामिक माहिती आहे. स्फोटामुळे कंपनीला मोठी आग लागली असून घटनास्थळी अग्निशमन दलाचे बंब दाखल झाले आहेत. सध्या आग विझवण्याचं काम युद्धपातळीवर सुरू आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

मिळालेल्या माहितीनुसार, खरवई एमआयडीसी (Badlapur News) परिसरात व्ही.के केमिकल कंपनी आहे. या कंपनीत काही कामगार काम करीत होते. गुरुवारी पहाटे ५ वाजेच्या सुमारास कंपनीत अचानक मोठा स्फोट झाला. या स्फोट इतका भीषण होता, की १० ते १२ किलोमीटपर्यंत हादरे जाणवले.

या घटनेत ४ ते ५ कामगार जखमी झाले आहेत. त्यांना तातडीने उपचारासाठी रुग्णालयात दाखल करण्यात आलं आहे. जखमींपैकी काहींची प्रकृती चिंताजनक असल्याचं बोललं जातंय. स्फोटामुळे आगीचा भडका उडवून कंपनीला मोठी आग लागली. (Latest Marathi News)

आगीची माहिती मिळताच अग्निशमन दलाचे बंब घटनास्थळी दाखल झाले. अथक प्रयत्नानंतर आगी आटोक्यात आणण्यात अग्निशमन दलाच्या जवानांना यश आले. सुदैवाने या घटनेत कोणतीही जीवितहानी झाली नाही. मात्र, आगीत कंपनीचं मोठं नुकसान झालं आहे.

कंपनीतील कर्मचाऱ्यांनी दिलेल्या माहितीनुसार, व्ही.के केमिकल कंपनीच्या बाहेर दोन टेम्पो उभे होते. यावेळी या टेम्पो मधील केमिकल मध्ये प्रथम आग लागली. त्यानंतर ही आग कंपनीमध्ये पसरली. क्षणार्धात मोठा स्फोट होऊन १० ते १२ किलोमीटरपर्यंत हादरे जाणवले.