Thane Crime News:

ठाण्यातील कासारवडवली या परिसरातून तिहेरी हत्याकांड झाल्याची बातमी समोर येत आहे. या परिसरात एक चाळ आहे. या चाळीत छोटसं कुटुंब राहत होतं. फरक इतकाच होता की, नवरा-बायकोमध्ये खटके उडाले होते. त्यामुळं बायको आपल्या मुलाबाळांसह भावासोबत राहत होती.

दोघांच्याही लग्नाला चार वर्ष पूर्ण झाले होते. पण लग्नानंतर दोघांमध्ये काही कारणास्तव खटके उडाले होते. त्यामुळं बायकोनं नवऱ्याला सोडलं आणि आपल्या मुलाबाळांसह दुसरी वाट धरली. यावेळी तिनं ठाण्यात राहण्याचा निर्णय घेतला. कासारवडवली या परिसरात तिनं आपला संसार थाटला. या संकटाच्या काळात बहिणीच्या पाठीमागे तिचा भाऊ खंबीरपणे उभा होता. पण तिच्या नवऱ्याला हेच खटकलं. अमित बागडी असं त्याचं नाव आहे. त्याला हे सगळंकाही पाहावलं नाही. तो भांबावून गेला आणि त्याच्या डोक्यात एकच राग शिरला.  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

हाच राग डोक्याच ठेवून अमितनं एक प्लॅन आखला. दोघेही नवरा-बायको मूळचे हरियाणाचे आहेत. पण झालेल्या वादामुळे पत्नी ठाण्यात शिफ्ट झाली होती. रागाचा वचपा काढण्यासाठी अमित ठाण्यात आला. पण तो कोणत्या कारणानिमित्त आलाय, ते त्याच्या बायको आणि मुलांना माहिती नव्हतं. यावेळी अमितनं आपल्या बायको आणि मुलांना गाफिल ठेवलं आणि संधीचा फायदा घेत सर्वांना संपवलं.  (Latest Marathi News)

क्रिकेटची लाकडी बॅट घेतली आणि सर्वात आधी बायकोच्या डोक्यात मारली. त्यानंतर पोटच्या गोळ्यालाही सोडलं नाही. मुलगी आणि मुलाच्या डोक्यावर बॅट मारली. हा सर्व प्रकार घडल्यानंतर अमित घाबरला, बिथरला. पुढे काय करावं? हे त्याला समजेना. त्यामुळं त्याने आपल्या मूळ गावी हरियाणात धूम ठोकली.

ही थरारक घटना सीसीटीव्हीत कैद झालीये. या घटनेची माहिती पोलिसांना मिळताच, त्यांनी चौकशीची सूत्र हलवली. त्यानंतर ३६ तासांमध्येच अमित बागडी या आरोपीला पोलिसांनी अटक केली. पण हत्येमागील नेमकं कारण काय? याबाबत पोलिसांनी सविस्तर माहिती दिलीये.

काही दिवसांपूर्वी या परिसरात महाराष्ट्रातील एका उच्च पदस्थ असणाऱ्या अधिकाऱ्याच्या मुलानं आपल्या प्रियसीला ठार मारण्याचा प्रयत्न केला होता. पण या घटनेला काहीच दिवस पूर्णच होत नाहीत. तोवर ही दुसरी धक्कादायक घटना समोर आलीये. ठाण्याला संस्कृतीचं शहर मानलं जातं. पण याच ठाण्यात गुन्हेगाराचं प्रमाण वाढलंय का? असा प्रश्न काही जणांकडून उपस्थित केला जातोय.