दिवाळीचा सण जवळ आल्यावर घराची स्वच्छता करण्यासाठी अनेक नागरिक ऑनलाईन ॲप्सचा आधार घेतात. मात्र, मुंबईतील मालाड भागात साफसफाई करण्यासाठी आलेल्या काही कर्मचाऱ्यांनीच बेडरूममधील कपाटातून तब्बल 12 लाखांचे सोन्या-चांदीचे दागिने लुटल्याचा धक्कादायक प्रकार समोर आलाय. नेमकी घटना काय? पाहूयात...

दिवाळीच्या पार्श्वभूमीवर घराची स्वच्छता करण्यासाठी 52 वर्षीय महिलेनं होम क्लिनिंग अॅपद्वारे बुकींग केलं

संबंधित कंपनीचे 4 कर्मचारी साफसफाईसाठी महिलेच्या घरात आले

काम संपवून हे कर्मचारी निघून गेल्यानंतर महिलेने घरातील कपाट तपासले असता, बेडरूममधील सोन्या-चांदीचे दागिने गायब असल्याचे त्यांच्या लक्षात आले.

5 तोळ्यांचा सोन्याचा नेकलेस, 1 तोळ्याचं मंगलसूत्र, सोन्याची बिस्किटं, 500 ग्रॅम चांदीची वीट असा तब्बल 12 लाखांचा ऐवज चोरट्यांनी लंपास केला

होम क्लिनिंग कंपनीच्या चोरट्या मोबाईल बंद ठेवून अटकेपासून वाचण्याचा प्रयत्न केला...

मात्र पोलिसांनी तांत्रिक विश्लेषण आणि खबऱ्यांच्या माहितीच्या आधारे नालासोपारा, वसई, पालघर आणि बोईसर परिसरातून तीन गुन्हेगारांना अटक केलीय

या प्रकरणात सत्यम शुक्ला, अनिश चौरसिया, पवन धीवर या तीन जणांच्या मुसक्या पोलिसांनी आवळलेत..

दरम्यान पोलिसांनी या तिन्ही आरोपींकडून चोरीस गेलेला 100 टक्के मुद्देमाल यशस्वीरित्या हस्तगत केलाय..

मालाडमधील घटनेनंतर तुम्ही कुठलीही ऑनलाईन सेवा घेत असाल आणि जर अनोळखी व्यक्तीना आपल्या घरी बोलवत असाल तर त्याआधी संबंधित कंपन्यांच्या कर्मचाऱ्यांची पार्श्वभूमी पडताळून पाहा..अशा अनोळखी व्यक्तींकडून घरात काम करून घेत असाल तर सतर्कता बाळगता नाहीतर अन्यथा होम क्लिनिंगसारख्या ऑनलाईन सुविधा चांगल्याच महागात पडू शकतात....