Maharashtra 23 July Rain Updates: भारतीय हवामान विभागाने (IMD) पालघर जिल्ह्यात शनिवारी मुसळधार ते अति मुसळधार पावसासाठी रेड अलर्ट जारी केला आहे. मुंबई, ठाणे, रायगड आणि रत्नागिरी जिल्ह्यांसाठी ऑरेंज अलर्ट जारी करण्यात आला आहे.

शुक्रवारी मुंबई आणि महाराष्ट्राच्या अनेक भागांमध्ये मुसळधार पावसाने हजेरी लावली/ ज्यामुळे अनेक सखल भागात पाणी साचले आणि शहर आणि उपनगरात वाहनांची वाहतूक विस्कळीत झाली. कुर्ला, अंधेरी, घाटकोपर, चेंबूर आदी ठिकाणी पाणी साचले होते.

जोरदार पावसामुळे मुंबई इलेक्ट्रिक सप्लाय अँड ट्रान्सपोर्टने (BEST) दुपारी मुंबईच्या सायन भागातील 12 हून अधिक मार्गांवर बसेस वळवल्या. यातच पाणी साचल्याने अंधेरी भुयारी मार्ग वाहतुकीसाठी बंद करण्यात आल्याने वाहनचालक आणि पादचाऱ्यांची प्रचंड गैरसोय झाली.  (Rain News)

शनिवारी पश्चिम, मध्य आणि हार्बर मार्गावरील रेल्वेवरही वापसचा परिणाम दिसून आला आहे. अति मुसळधार पावसामुळे रेल्वे 10 ते 15 मिनिटे उशिराने धावत होती. मुंबई हवामान विभागाच्या अहवालानुसार, शहर आणि उपनगरातील अनेक भागात सकाळी 8 ते संध्याकाळी 6 वाजेपर्यंत 100 मिमी पेक्षा जास्त पाऊस झाला. सर्वाधिक 130 मिमी पावसाची नोंद घाटकोपर येथे झाली, त्यानंतर वांद्रे पश्चिम येथे 124 मिमी आणि कुर्ला येथे 116 मिमी पावसाची नोंद झाली. (Maharashtra News)

दरम्यान, भारतीय हवामान विभागाने दिलेल्या माहितीनुसार, "कोकण आणि गोवा आणि मध्य महाराष्ट्रातील घाट भागात 23 ते 26 जुलै, सौराष्ट्र आणि कच्छ 24 जुलै आणि गुजरात प्रदेशात 23 जुलै रोजी जोरदार पावसाची शक्यता आहे. मुंबईतही पुढील दोन दिवसांत मुसळधार ते अति मुसळधार पाऊस पडू शकतो."  (Latest Marathi News)