निवडणुकीच्या प्रचाराचा चढला रंग

अन् दादाच्या कार्यकर्त्याचा भलताच ढंग

तिकडं उडाला प्रचारात फटाक्याचा बार

अन् दादाच्या गळ्यात थेट क्रेनला लटकून घातला हार

कार्यकर्ता ती कार्यकर्ता कवा, कधी अन् कसं काय करील याचा नाय नेम... आता हीच बघा दादा सकाळपासनं पायला भिंगरी बांधून प्रचाराला लागल्यात अन् ह्यो कार्यकर्ता लटकलाय थेट क्रेनला... ती बी दादाच्या स्वागतासाठी गुलाबी गाडीतनं दादाचा रोडशो जोमात सुरु... अन् कार्यकर्त्याला चिंता दादाचं स्वागत कसं करु... वाघानं लढवली शक्कल अन् मागवली क्रेन. गुलाबी फेटा डोक्याला बांधला. नेत्यावानी पांढरी पँट अन् पांढरा शर्ट घातला... हातात घेतला हजार पाचशेचा हार.... अन् लटकला क्रेनला...

दादाचा ताफा जवळ आल्यावर गड्यानं क्रेनला लटकून गळ्यात घातला हार... दादा बी खूश अन् कार्यकर्ता बी खूश

यंदा तिकीट मिळालं नसलं तर पुढच्या वेळेस या स्टंटनं तरी तिकीट मिळो ही अपेक्षा