24 महापालिकांमध्ये सत्ता स्थापन करणाऱ्या भाजपची विजयी घोडदौड पुणे आणि पिंपरी चिंचवड महापालिकेतही कायम राहिली. एकीकडे भाजपला रोखण्यासाठी दोन्ही राष्ट्रवादी पुणे आणि पिंपरीत एकत्र आल्या. मात्र एकेकाळी या दोन्ही शहरांवर वर्चस्व असणाऱ्या पवारांच्या राष्ट्रवादीला पराभवाचा सामना का करावा लागला? पाहूयात.

अजित पवारांच्या बंडखोरीमुळे कार्यकर्त्यांमध्ये गोंधळ निर्माण झाला. या फुटीमुळे राष्ट्रवादीच्या दोन्ही गटात ताकद विभागली गेली. त्यात पुण्यात दोन्ही राष्ट्रवादी महापालिकेत एकत्र आल्या तरी फुटीच्या अनुभवामुळे भाजपविरोधी मतदार थेट काँग्रेसकडे वळले. भाजपविरोधी मतदार विखुरल्यानं भाजपला महापालिकेत फायदा.दुसरीकडे पिंपरी चिंचवडमध्ये महेश लांडगे, शंकर जगताप यांच्यासारख्या स्थानिक नेत्यांनी राष्ट्रवादी सोडून भाजपमध्ये प्रवेश केल्यानं समीकरण बदलली. पिंपरीत भाजपनं आणलेल्या मोठ्या प्रकल्पांमुळे मतदारांचे भाजपला झुकते माप. तसचं विरोधक विखुरलेले असल्याचा थेट फायदा सत्ताधारी भाजपला.

दरम्यान पुण आणि पिंपरी चिंचवडमध्ये महाविकास आघाडीतील विसंवाद आणि जागावाटपावरून झालेला रस्सीखेच...तसचं बुथ लेव्हल यंत्रणेवर नसणारी मजबुत पकड यामुळे दोन्ही पवारांच्या राष्ट्रवादीला फटका बसलाय. त्यामुळे दोन्ही महापालिकांवर भाजपनं एकहाती सत्ता मिळवलीय. आता पुणे आणि पिंपरीतील पराभवानंतरही दोन्ही राष्ट्रवादी एकत्र राहतात का? हे पाहणं महत्त्वाचं ठरणार आहे.