मयुर राणे, मुंबई|ता. ११ फेब्रुवारी २०२४

Sanjay Raut Press Conference:

राज्यात गेल्या काही दिवसांपासून गोळीबार, हत्यांच्या घटना वारंवार समोर येत आहेत. दोन दिवसांपूर्वी शिवसेना ठाकरे गटाचे नगरसेवक अभिषेक घोसाळकर यांची गोळ्या झाडून निर्घृण हत्या करण्यात आल्याने खळबळ उडाली आहे. यावरुन शिवसेना ठाकरे गटाचे खासदार संजय राऊत यांनी पुन्हा एकदा शिंदे सरकारवर हल्लाबोल केला आहे.

काय म्हणाले संजय राऊत?

"महाराष्ट्रात कायदा आणि सुव्यवस्था लागू करा माझे देशाच्या गृहमंत्र्यांना आव्हान आहे. राज्यातील कायदा आणि सुव्यवस्था पूर्णपणे ढासळली आणि कोसळली आहे. महाराष्ट्रामध्ये तुम्ही कायदा आणि सुव्यवस्था यावर लक्ष घाला. मुख्यमंत्री, गृहमंत्र्यांना राज्य सांभाळण कठीण झालं आहे, त्यामुळे राष्ट्रपती राजवट लागू करा," अशा शब्दात संजय राऊत यांनी शिंदे सरकारवर निशाणा साधला.

"काल मातोश्रीवर काँग्रेसचे प्रभारी रमेश चेन्नीथला, प्रदेशाध्यक्ष नाना पाटोले, वर्षा गायकवाड आल्या होत्या. त्यावेळी देखील चर्चा झाली. राष्ट्रवादी काँग्रेस पक्षाचे देखील चर्चा झाली, त्यामुळे नक्कीच आम्ही देखील ठोस पाऊले उचलू आणि या सरकारच्या झुंडशाहीला जनतेचे आव्हान देऊ," असा इशारा संजय राऊत यांनी यावेळी दिला.

 ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

महाविकास आघाडी रस्त्यावर उतरणार

"आम्ही संपूर्ण महाराष्ट्रात याविरुद्ध आंदोलने करु. महाराष्ट्रातील गुन्हेगारीविरोधात आम्ही रस्त्यावर उतरु, जनता गप्प बसणार नाही. यासंबंधी महाविकास आघाडीची चर्चा सुरू आहे, कोणत्या पद्धतीने सामोरे जायचे, याबद्दल निर्णय घेऊ," असे संजय राऊत यावेळी म्हणाले. (Latest Marathi News)